JEREMIAH 17:10 - Lai (Hakha) Common Language Bible 2006

¹⁰ Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 17:10 Խաչաձեւ Հղումներ

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

ROM 8:27

Thlarau nih cun Pathian cu a mi hna aiawh le amah Pathian duhning khan a nawl caah, minung lungchung a hmutu Pathian nih cun Thlarau ruahnak cu zeidah a si ti kha a hngalh.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

JOHAN 2:25

Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

JEREMIAH 21:14

Sihmanhsehlaw Bawipa keimah nih na tuahmi ruangah dan kan tat lai. Na siangpahrang inn cu mei in ka khangh lai i a pawngkam i a ummi thil vialte cu mei nih cun a kangh dih hna lai, hi bia hi Bawipa keimah nih ka chim,” tiah a ti.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.

MATTHAI 6:4

nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

SALM 44:21

nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

JEREMIAH 12:13

Ka mi hna nih changvut an cin i hling an zun, Thaba ngaiin an ṭuan, sihmanhsehlaw rawl fang zeihmanh an hmu lo. Bawipa kha a thin a hun caah an kumvui cu a ṭha hrimhrim lo.

EZEKIEL 11:5

Cun Bawipa thlarau kha chikkhatte ah ka cungah a rung tlung i, “Mah hihi Bawipa bia a si: Nannih Israel mi hna, mah hihi nanmah le nanmah nan i chimhmi bia cu a si: nan lung chung i a chuakmi ruahnak cu fiang tein ka hngalh ko.

EZEKIEL 14:5

Israel mi hna cu an dihlak in an siasal hna nih ka sinin ṭhen ko hna in mising siter ko hna hmanh seh law, ka lehnak hna bia nih an lungthin kha a tlaih hna lai.

JOB 34:11

Zeicahtiah mi cu an rianṭuanning bantukin a lehrulh hna i An ziaza ning bantukin an cungah a tlunter.

SALM 7:10

A ka hupphengtu cu Pathian a si, amah nawl a ngaimi cu a khamh hna.

SALM 44:22

Asinain thah kan si thluangthluan cu nangmah ruangah a si i thah awk tuu bantukin tuah kan si cu nangmah ruangah a si.

PHUNGTHLÛKBIA 12:14

Mi cheukhat nih an bia thawngin hlawh tlinnak an hmuh, sun a cheu nih an kut rian ṭuannak thawngin an hmuh awk hnga kha an hmuh ve.

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.