JEREMIAH 16:15 - Lai (Hakha) Common Language Bible 2006

¹⁵ ‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.

JEREMIAH 16:15 Խաչաձեւ Հղումներ

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

JEREMIAH 24:6

An cungah ṭhatnak tuah dingin ka zohkhenh hna lai i an ram ah hin ka kirter ṭhan hna lai; ka sersiam hna lai i ka ṭhet hna lai lo, ka phun hna lai i ka phawi hna lai lo.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

EZEKIEL 39:28

Miphun dang hna lak i sal i tan awk i a kaltertu hna keimah nih pakhat hmanh hnulei ah kaltak loin anmah an vawlei ah khan ka pumh ṭhan hna lai caah keimah cu Bawipa an Pathian ka si kha an ka hngalh lai.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

SALM 106:47

Maw Bawipa, kan Pathian, kan khamh tuah, miphun tampi lak i kan i ṭheknak in kan khawm ṭhan law na min thiang kha kan thangṭhat lai i nangmah lawmhnak bia chim in kan i lawm lai.

JEREMIAH 31:8

Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.

JEREMIAH 23:8

‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.

JEREMIAH 23:7

“Cucaah cun zohhmanh, mi nih, ‘Israel mi Izipt ram in a chuahpitu hna Bawipa a nun bangin,’ ti si ti loin,

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JOEL 3:1

“Khi caan ah Judah le Jerusalem cu an vanṭhatnak kha ka pek ṭhan hna lai

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

JEREMIAH 12:15

Sihmanhsehlaw ka lak hna hnuah cun, an cungah zaangfahnak ka ngei ṭhan lai i an ti le an ram cio ah khan ka kirpi ṭhan hna lai.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

AMOS 9:15

Anmah cu anmahle an vawlei te ah khan ka phun ṭhan hna lai i Ka pekmi hna vawlei khan zeitikhmanh ah phawi an si ṭhan bal ti lai lo, tiah Bawipa nan Pathian nih a chim.”