JEREMIAH 12:3 - Lai (Hakha) Common Language Bible 2006

³ Sihmanhsehlaw maw Bawipa, nangmah nih na ka hngalh i ka tuahmi cu na hmuh ko, Zeitluk in dah kan dawt kha nangmah nih fiang tein na hngalh ko. Hi mi ṭhalo hna hi, thah awkah kalpimi tuu hna bantukin kalpi hna law Thah ni caah a dang in chia ko hna.

JEREMIAH 12:3 Խաչաձեւ Հղումներ

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

JEIM 5:5

Hi vawlei cungah cun nuam ngai le duhtling ngaiin nan nung. Sa thah ni caah nanmah le nanmah nan rak i thauter.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

SALM 139:23

Maw Pathian, ka pur cikcek law ka lungthin hi hngal ko; ka hneksak law ka ruahnak hi hmu ko.

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JEREMIAH 51:4

Khaldi mi hna ram chungah khan thi hna seh, An khuapi chung lam ah khan ril liangluang ko hna seh.

JEREMIAH 48:15

Moab le a khua hna a hrawktu cu a ra cang, A tlangval hna lak i a ṭha bikbik cu an thi dih cang, tiah Ralkapbu Bawipa a min a simi Siangpahrang nih a ti.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

JEREMIAH 15:15

Bawipa nangmah nih na hngalh; Bawipa, ka philh hlah law ra ka leng tuah, Keimah a ka hremtu hna cungah ka phu ka hlampiak ko. Ka cungah na thin fual ko sawh law ka la sawh hlah, Nangmah ca i nihsawhnak ka inmi cu hmu ko sawh.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.