JEREMIAH 12:15 - Lai (Hakha) Common Language Bible 2006

¹⁵ Sihmanhsehlaw ka lak hna hnuah cun, an cungah zaangfahnak ka ngei ṭhan lai i an ti le an ram cio ah khan ka kirpi ṭhan hna lai.

JEREMIAH 12:15 Խաչաձեւ Հղումներ

JEREMIAH 49:6

Sihmanhsehlaw hi hnuah hin Amon mi hna cu, An vanṭhatnak kha ka pek ṭhan hna lai, tiah Bawipa nih a ti.

JEREMIAH 48:47

Sihmanhsehlaw hmailei caan ah cun Moab cu, Vanṭhatnak kha ka pek ṭhan lai, tiah Bawipa nih a ti. Hi tiang hi Moab cung i biaceihnak cu a si.

JEREMIAH 49:39

Sihmanhsehlaw hmailei caan ah cun Elam cu a vanṭhatnak kha ka pek ṭhan lai,” tiah Bawipa nih a ti.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.

DEUTERONOMI 3:20

Bawipa nih nanmah bantukin nan unau hna cu dinhnak a pek hna i Bawipa nan Pathian nih Jordan tiva ral ah ram a pekmi hna an co hlantiang, an taang lai; khi tikah nan dihlak in kan pekmi hna nan covo cio ah khan nan kir lai,’ tiah ka ti.

NAMBAR 32:18

Israel mi nih an ro cio an co hlantiang kan inn ah kan kir lai lo.

LAMKALTU 15:16

‘Hi hnuah hin ka ra kir ṭhan lai i David inn a tlumi kha ka tun ṭhan lai. A rawhnak kha ka remh lai i ka sak ṭhan lai.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 3:17

Khi caan a phak tikah Jerusalem cu Bawipa bawiṭhutdan ti a si lai, Miphun vialte cu Jerusalem ah cun Bawipa min upat awkah an i pum lai; Annih nih a ṭha lomi an lungthin kha fek ṭhup in an zul ti lai lo.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 24:6

An cungah ṭhatnak tuah dingin ka zohkhenh hna lai i an ram ah hin ka kirter ṭhan hna lai; ka sersiam hna lai i ka ṭhet hna lai lo, ka phun hna lai i ka phawi hna lai lo.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

DANIEL 11:4

Sihmanhsehlaw a si lingte ah khin a pennak cu a kuai lai i chaklei, thlanglei, nichuah, nitlak tiin aa cheu lai. A pennak cu a tefa hna sinah khan a lan lai lo, midang tu nih an co lai i sihmanhsehlaw amah tlukin an ṭhawng lai lo.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.