JEREMIAH 10:8 - Lai (Hakha) Common Language Bible 2006

⁸ Annih cu an dihlak in mihrut an si i an nga fawn; An fimnak pakpalawng cu thingtum sinin an cawnmi a si.

JEREMIAH 10:8 Խաչաձեւ Հղումներ

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

JEREMIAH 10:14

Mi vialte hi mihrut, hngalhnak zeihmanh a ngei lomi an si dih; Sui sertu vialte hna hi an siasal sermi hna nih hin zumhawktlak lo ah an canter dih hna; Zeicahtiah milem an sermi hna cu hlennak men an si i An chungah thaw zeihmanh a um lo.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

ISAIAH 44:19

Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

SALM 135:18

Cu siasal a sertu hna le cu siasal aa bochanmi hna cu, an sermi siasal bantuk ah cun an i cang lai!

SALM 115:8

Siasal a sertu hna le siasal aa bochanmi hna cu an sermi siasal bantuk cu si ve hna seh!

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

JEREMIAH 3:9

Zeihmanh ruahnak ngei loin hlawh a hlan le vacung pa duh bantuk a simi lung le thing a biaknak thawng khan ram cu a thurter.

JEREMIAH 5:4

Khi tikah kei nih kaa thawh i, “Mah hna hi cu misifak mi hrut men an si, Bawipa lam kha a hngal lo i An Pathian phungbia kha a hngal lomi an si;

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,