JEREMIAH 10:1 - Lai (Hakha) Common Language Bible 2006

¹ Maw Israel chungkhar hna, Bawipa nih nan sin i a chimmi bia hi ngai tuah u.

JEREMIAH 10:1 Խաչաձեւ Հղումներ

BIAPHUAN 2:29

“Hna nan ngeih ahcun, Thlarau nih Khrihfabu hna sinah a chimmi bia kha ngai tuah u,” tiah a ti.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

AMOS 7:16

Cucaah cun atu cu Bawipa bia hi ngai tuah u: “Israel mi cu bia chim hna hlah, Isak tefa hna cu na hruh bia cu nawnnokpi lengmang hna hlah, nan ka ti.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

JEREMIAH 42:15

khika ah khua kan sa ko lai,’ nan ti sual ko hnga. Khi ti a si ahcun, maw Judah mi a tangmi hna, Bawipa bia hi thei tuah u. Hi bangin Ralkapbu Bawipa, Israel Pathian nih a ti: Izipt ram chung i va luh awk le khika i va um awk kha nan i timh peng ko a si ahcun,

JEREMIAH 2:4

Bawipa bia cu ngai tuah u, maw Jakob tefa hna le Israel chungkhar vialte hna.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

SALM 50:7

“Ka mi hna, ka bia ngai u law bia ka chim lai; Israel, nangmah cu fiang tein kan hngalhter lai. Pathian cu keimah hi ka si i keimah cu na Pathian ka si.

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

JEREMIAH 10:2

Hi bangin Bawipa nih a ti: Miphun dang hna lam kha i cawn hlah u, Van i hmelchunhnak nan hmuhmi hna ruang zongah khin nan khuaruah har hlah u, Khi bantuk i khuaruah a harmi cu miphun dang hna khi pei an si ko cu.

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.