JEREMIAH 1:17 - Lai (Hakha) Common Language Bible 2006

¹⁷ Sihmanhsehlaw nang cu na lung ṭhawng ko, tho law nawl kan pekmi vialte kha chim hna. Annih ruangah na lung dong hlah, atu i na lung a dongh ahcun an hmaika i na um tikah na lung kaan donghter chinchin sual lai.

JEREMIAH 1:17 Խաչաձեւ Հղումներ

1 SIANGPAHRANG 18:46

Cun Bawipa kut cu Elijah cungah khan a um i a biar aa rengh i Ahab hlanah Jezreel luhnak kutka ah khan a rak tli.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

LUKA 12:35

“Zei thil paoh tlung ai kun, tiin nan taisawm kha fek tein i sawmh le nan meiinn kha i van in ralring tein um u;

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

EXODUS 7:2

Na tuah awk a si tiah kan chimhmi vialte kha Aaron cu na chimh lai i Aaron nih cun Faro kha, Israel mi cu hi ram hin chuahter hna, tiah a chimh lai.

JOB 38:3

Na tai i sawmh law pa bantukin dir tuah, bia kan hal lai i na ka leh tuah lai.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

1 KORIN 9:16

Thawngṭha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngṭha cu chim loin rak um ning law zeitluk in dik ka caah a poi hnga!

JONAH 3:2

“Nineveh khualipi ah cun va kal cang law kan chimhmi bia cu va thanh tuah hna,” tiah a ti.

JEREMIAH 17:18

A ka hremtu kha ningzahnak phakter ko hna, sihmanhsehlaw kei cu ka luatter ko, Annih cu therphang in umter ko hna, sihmanhsehlaw kei cu ka thin ka phanter hlah. An cungah rawhralnak ni kha tlunter law hrawk cikcek ko hna, a ti.

2 SIANGPAHRANG 4:29

Cun Gehazi cu a thawh i, “Na biar i rengh law ka ṭhiangṭhunh kha i put law va kal tuah. Ahohmanh na ton hna ahcun va biachawn hna hlah; cun ahohmanh nih an in chawnh ahcun va let hna hlah; cun ka ṭhiangṭhunh cu ngakchia hmai cungah khan na va chiah lai,” tiah a ti.

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

2 SIANGPAHRANG 1:15

Cun Pathian vancungmi nih Elijah cu a thawh i, ‘Amah he cun vung kal ko; amah cu ṭih hlah,” tiah a ti. Cucaah a tho i siangpahrang sinah cun amah he khan an vung kal,

JEREMIAH 1:18

Nihin ah hin nangmah cu, Judah ram siangpahrang hna le bawi hna le tlangbawi hna le mi zapi hna he aa tawng dingah kan ser, kulhmi khuapi, thir tung le dar vampang bantuk na si lai.

JEREMIAH 26:2

Bawipa nih Jeremiah cu a thawh i, “Bawipa inntual ah va dir law, khika ah biak awkah a rami Judah ram chung mi vialte hna sinah cun, bia va chim tuah. Annih kha na chimh hna lai tiah nawl kan pekmi vialte kha zeihmanh ngan loin na chimh hna lai.

JEREMIAH 26:12

Cu tikah Jeremiah nih bawi vialte le mi vialte cu a thawh hna i, “Hi inn kong le hi khua kong i nan theihmi bia vialte hi chim awkah Bawipa nih a ka thlah.

JEREMIAH 36:8

Cun Neriah fapa Baruk nih cun profet Jeremiah nih tuah awk i a fialmi vialte kha a tuah dih i Bawipa inn chungah Bawipa bia cu cazual chung khan a rel.

ṬAHNAK HLA 3:57

Nangmah kha kan auh tikah ka pawngah na um; Nangmah nih, ‘Ṭih hlah,’ na ka ti.