JEIM 5:9 - Lai (Hakha) Common Language Bible 2006

⁹ Harnak nan ton tikah pakhat le pakhat i mawhchiat hlah u. Cu ti nan um ahcun Pathian nih bia an ceih sual hna lai. Biaceihtu cu lamnai te ah a um ko i a rung lut zau ko lai.

Laibaibal Thiang (BSI)

⁹ Unau hna, zailen hlah u, thiamlo nan co sual lai. Ngaihmanh u, biaceihtu cu innkâ hramah a dir cang.

JEIM 5:9 Խաչաձեւ Հղումներ

LEVITIKAS 19:18

Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

MATTHAI 24:33

Cu bantukin hi thil vialte hi nan hmuh hna tikah, caan cu a nai cang, aa thawk dengmang cang, ti kha nan hngalh lai.

1 PETER 4:9

Phunzai loin pakhat le pakhat tlun inn i onh u.

GENESIS 4:7

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.

GALATI 5:26

Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.

1 PETER 4:5

Sihmanhsehlaw a nungmi he a thimi he bia a ceihtu ding Pathian hmaiah cun an chuak ve lai i an bia cu an i chim ve te ko lai.

GALATI 5:14

Zeicahtiah Nawlbia cu a ningpi in hi nawlbia pakhat, “Na innpa cu nangmah bantukin na dawt lai,” timi ah hin aa fun dih.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

MARKA 13:29

Cu bantukin hi thil hna an hung um kha nan hmuh tikah, a caan kha a nai cang, innka a phan cang, ti kha nan hngalh lai.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

MARKA 6:19

cucaah cun Herodias nih khan Johan cu a lung chung tein a uam ziar i thah a duh; sihmanhsehlaw Herod nih a dawnh caah a that kho lo.

SALM 59:15

Rawl kawl ah an vak i a za an hmuh lo tikah an zai.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

JEIM 4:12

Pathian lawnglawng hi nawlbia a kan petu le nawlbia cung i bia a khiak khotu cu a si. Amah lawnglawng nih hin a kan khamh khawh i a kan hrawh khawh. Cucaah cun, na minung hawi bia a ceihtu dingah khan, aho ka si ti ah dah naa ruah?

JEIM 5:7

Cucaah cun ka u le ka nau hna, Bawipa a rat hlantiang lungsau in um ko u. Lothlopa nih a lo in a sunglawimi rawl a chuah lai kha lungsau in a hngah tawn. Fur tlak lai le faruahthawh rat lai kha lungsau in a ngan.

JEIM 5:10

Bawipa min in bia a rak chimmi profet hna kha, ka u le ka nau hna, philh hna hlah u. Harnak chung i lungsau in sifahnak a ingmi an si caah i zohchun hna u.