JEIM 5:14 - Lai (Hakha) Common Language Bible 2006

¹⁴ A zawmi nan um ahcun, Khrihfa upa kha au hna u law thla in campiak hna seh law Bawipa min in chiti kha in thuh hna seh.

Laibaibal Thiang (BSI)

¹⁴ Nanlakah mi zaw an um maw? Kawhhran upa au hna sehlaw, annih nih Bawipa min in sathau thuh in a cungah thlacam hna seh.

JEIM 5:14 Խաչաձեւ Հղումներ

MARKA 6:13

Khuachia tampi an ṭhawl hna i a zawmi tampi kha chiti an thuh hna i an damter hna.

LAMKALTU 28:8

Publius pa cu raifanh le thisen chungtlik in a zaw i a ril ko; Paul nih khan a khaan chungah khan a vung luhhnawh i thla a campiak i a cungah a kut a chuan i a damter.

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai,” tiah a ti.

2 SIANGPAHRANG 5:11

Sihmanhsehlaw Naaman cu a thin a hung i a kal i, “Zohhmanh, ka sinah a hung chuak lai i pei a dir lai i a Pathian Bawipa min kha a auh lai i ka thinghmui zawtnak zawn ah khan a kut a zao lai i mithinghmui hi a ka damter lai, tiah ka ruah.

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

LAMKALTU 15:4

Jerusalem khua an va phak tikah khrihfabu le lamkaltu hna le upa hna nih khan an rak conglawmh hna i anmah thawngin Pathian nih a tuahmi vialte kha an chimh hna.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

2 SIANGPAHRANG 4:33

Cucaah a lut i an pahnih in innka aa khar khumh i Bawipa sinah thla a cam.

1 SIANGPAHRANG 17:21

Cun ngakchia cungah cun voi thum a bawk i Bawipa cu, “Maw Bawipa, ka Pathian, hi ngakchia nunnak hi a chungah lut ṭhan ko seh,” tiah a auh.

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.