JEIM 5:11 - Lai (Hakha) Common Language Bible 2006

¹¹ Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

Laibaibal Thiang (BSI)

¹¹ Asi, a dongh tiang ing khomi hna cu mi thluachuak ah kan ruah hna. Job lungsauning kha nan hngalh, Bawipa nih a donghnâk i a tuahmi zong kha nan hngalh, kha thil ah khan Bawipa cu zângfahtu le velngeitu a si zia kha fiang tein a lang.

JEIM 5:11 Խաչաձեւ Հղումներ

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

LUKA 6:36

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

SALM 103:8

Bawipa cu zaangfahnak le dawtnak in a khat, a thin a fual i a fekmi dawtnak in a khat.

HEBRU 10:39

Kannih cu aa let i a tlaumi kha kan si lo. Zumhnak a ngei i khamhnak a hmumi tu kha kan si.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

EFESA 2:4

Sihmanhsehlaw Pathian nih a kan zaangfahnak cu a tam tuk i a kan dawtnak cu a ngan tuk hringhran caah

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

1 CHANRELNAK 21:13

Cun David nih Gad cu a thawh i, “Harnak nganpi chungah ka um; Bawipa kut cungah cun tla ko ning, zeitintiah anih cu a zaangfahnak a ngan ngaingai; sihmanhsehlaw minung kut chungah cun tla sawh hlah ning,” tiah a ti.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

LUKA 1:50

Amah a ṭihmi vialte kha chan khat hnu chan khat in a zaangfah hna.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

PHUNGCHIMTU 7:8

Thil donghnak hi a hramthawknak nakin a ṭha deuh; lung a saumi hi aa porhlawmi nakin a ṭha deuh.

SALM 119:132

Na dawtmi hna cu na merhnawh hna i an cungah zaangfahnak na ngeih bantukin kei zong ka merhnawh ve law ka zaangfah ve ko sawh.

SALM 116:5

Bawipa cu velngeimi le miṭha a si, kan Pathian cu mi zaangfah thiammi a si.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

SALM 94:12

Bawipa, nangmah nih na chimhhrinmi, na phunglam na cawnpiakmi hna cu lunglawmmi an si,

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

JOB 1:2

Amah nih cun fapa pasarih le fanu pathum a hrin hna.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

2 CHANRELNAK 30:9

Zeitintiah nannih nih Bawipa sinah khan nan kir ṭhan ahcun nan unau hna le nan fale hna nih khan annih a tlaitu hna sin khan zaangfahnak an hmuh lai i hi ram ah hin an kir ṭhan lai. Zeicahtiah Bawipa nan Pathian cu velngeih thiam le zaangfah thiam a si i amah sinah nan kir ṭhan ahcun nannih kha khuadang an hoitak hna lai lo,” tiah a ti.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

SALM 145:8

Bawipa cu dawtnak a ngeimi le mi zaangfah thiammi a si, thinhun a har i a fekmi dawtnak in a khatmi a si.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

NEHEMIAH 9:31

Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

1 PETER 3:14

Cun a dingmi thil tuah ruangah temhnak nan in ahcun, nan caah lunglawmh awk a va si thiam dah! Minung kha ṭih hna hlah u, hmailei thil ruah ah nan khuaruah zong har fawn hlah u.

LUKA 11:10

Zeicahtiah a halmi paoh cu pek an si lai i a kawlmi paoh nih an hmuh lai, a kingmi paoh cu innkhar kha hunpiak an si lai.