JEIM 3:8 - Lai (Hakha) Common Language Bible 2006

⁸ Sihmanhsehlaw lei cu a hrem khotu ahohmanh an um lo. Lei cu thil ṭha lo, uk khawh lomi, thihnak sivai in a khatmi a si.

Laibaibal Thiang (BSI)

⁸ Asinain lei hi a hohmanh nih an ngamter kho lo. Uk khawh lomi sual, thihnâk sivai i a khatmi a si.

JEIM 3:8 Խաչաձեւ Հղումներ

ROM 3:13

An kaa cu khar lomi thlan bantuk a si, An hmur in thihnak bia, rul sivai bantuk kha cat loin a chuak;

SALM 140:3

An lei cu rul lei bantuk a si i an bia cu rawchok sivai bantuk a si. Selah

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

SALM 58:4

Rul bantukin sivai an ngei, rawchok hnachet bantuk an si, zeihmanh an thei lo,

PHUNGCHIMTU 10:11

Rul camh cu thiam hmanh law na camh ṭung lo ahcun zeihmanh a ṭhahnem lo, An cuk ṭhiamṭhiam ko lai.

DEUTERONOMI 32:33

An mitsur hang cu rul sivai le Rawchok sivai ṭhawng ngai a si.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

PHUNGTHLÛKBIA 17:20

Ruahnak kawi a ngeimi cu khuaawng an pem lo, lei ṭhalo a ngeimi cu vanchiatnak chungah an tla tawn.

JEIM 3:7

Minung nih thilnung dang vialte hi hrem khawh lomi an ngei lo — ramlak saram si hna seh, va si hna seh, a lawn in a lawnmi si hna seh, nga si hna seh, an hrem khawh dih hna.