JEIM 1:27 - Lai (Hakha) Common Language Bible 2006

²⁷ Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

Laibaibal Thiang (BSI)

²⁷ Pathian le kan Pa mithmuhah a thiang i a thûrhnawm lomi biaknâk cu ngakṭah le nuhmei an har lio i bomhchanh le hi vawlei thûrhnomhnâk chungin i thianter hi a si.

JEIM 1:27 Խաչաձեւ Հղումներ

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1TIMOTE 5:4

Sihmanhsehlaw nuhmei nih cun fa si hna seh, tu si hna seh a ngeih hna ahcun, cu hna nih zumh awk tlak tein an innchungkhar zohkhenh le an pa si hna seh, an pi an pu si hna seh, cawm ṭhan ve cu an rian pakhatnak ah an chiah awk a si i cucu biaknak lei in an rian Pathian nih tuah hna seh ti a duhmi cu a si.

SALM 119:1

An nunning ah soisel awkj mi lunglawm an si.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.

MATTHAI 5:8

Lungthin a thiangmi cu lunglawmmi nan va si dah! Pathian kha nan hmuh lai.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

1JOHAN 5:18

Pathian fa a simi cu a sual peng lo ti kha kan hngalh, zeicahtiah Pathian Fapa nih khan him tein a umter i Miṭhalopa nih khan a tawng kho lo.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

GALATI 1:4

Atu chan, chan ṭhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

DEUTERONOMI 14:29

cun, Bawipa nan Pathian nih nan kut rian nan tuahmi vialte ah thluachuahnak an pek hna nakhnga, nan khua chungah a ummi Levi mi hna, annih cu nannih sinah covo le ro an ngeih lo caah, le mipem le pangeilo le nuhmei hna nih cun an rat i an ei i an khim nakhnga nan chiah hna lai.

SALM 146:9

Hi ram chungah a ummi ramdangmi kha a huhphenh hna; nuhmei le ngakṭah kha a bawmh hna, sihmanhsehlaw miṭhalo pawl khuakhannak cu a hrawh.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

GALATI 3:11

Atu cu, Nawlbia zulh thawngin ahohmanh nih Pathian he remnak an hmu kho lo ti kha a fiang; zeicahtiah Cathiang nih, “Zumhnak thawngin Pathian he aa remmi lawng an nung lai,” a ti.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

JEIM 3:9

Kan Bawipa le kan Pa a simi Pathian thangṭhatnak caah kan hman i Pathian mui in sermi kan minung hawi chiatserhnak ah kan hman fawn.

2 PETER 1:4

Cuticun a ngan ngaingaimi le a sung ngaingaimi laksawng a kan kamhmi cu a kan pek i cu laksawng a kan pekmi thawng cun a kan hrawkhral khotu vawlei pumsa duhnak chung hin nan luat kho lai i Pathian sining cu nan i hrawm kho lai.

2 PETER 2:20

Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.