JEIM 1:22 - Lai (Hakha) Common Language Bible 2006

²² A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u.

Laibaibal Thiang (BSI)

²² Asinain mah le mah â hlengmi bangin, biangaitu lawng si loin nunpitu si u.

JEIM 1:22 Խաչաձեւ Հղումներ

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

JOHAN 13:17

Atu cu hi biatak hi nan hngalh cang; nan tuah taktak ahcun zeitluk in dik nan i lawmh lai!

JEIM 4:17

Cucaah cun hi a ṭhami thil hi ka tuah awk a si tiah a hngal ko ṭung i a tuah lomi cu misual a si.

1JOHAN 2:3

Pathian kha a nawl kan ngaih ahcun, amah kha kan hngalh tiah fiang tein kan hngalh.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

BIAPHUAN 22:7

Cun Jesuh nih, “Ngai hmanh, ka ra zau lai. Hi cauk chung i aa ṭialmi profet bia a zulmi cu lunglawmmi an si,” a ti.

1JOHAN 3:7

Ka fale hna, ahohmanh i hlenter hna hlah u. A dingmi thil a tuahmi paoh cu miding a si ko, Khrih a din bantuk khan;

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.

3 JOHAN 1:11

Ka dawtmi ka hawi, a ṭha lomi nawl cu i cawn hlah, a ṭhami nawl tu i cawn ko. Thil ṭha a tuahmi paoh cu Pathian mi an si, thil ṭhalo a tuahmi paoh nih cun Pathian kha an hmu lo.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

1JOHAN 1:8

Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

2 PETER 2:13

fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

JEREMIAH 11:6

Cun Bawipa nih a ka thawh i, “Hi bia vialte hi Judah ram chung khua hna le Jerusalem khuachung lam ah khan va thanh hna: Hi biakamnak bia hi ngai hna u law tuah hna u, va ti.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.