ISAIAH 8:9 - Lai (Hakha) Common Language Bible 2006

⁹ Nannih miphun vialte hna, ṭihnak in hmunkhat ah i pum tuah u. Vanhramdeng ram hna, ka bia ngai tuah u. Ral doh awkah timh cu i tim ko u, sihmanhsehlaw thinphang in um ṭhiamṭhiam ko u.

ISAIAH 8:9 Խաչաձեւ Հղումներ

PHUNGTHLÛKBIA 11:21

Hnadai tein um ko, miṭhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

1 SIANGPAHRANG 20:11

Cun Israel siangpahrang nih a leh i, “A ralthuam in aa thuammi nih aa phoihmi bantukin tluangkhawn awk a si lo,’ tiah va chim u,” tiah a ti.

ISAIAH 54:15

Ahohmanh nih an in tuk ahcun, keimah hnatlaknak tel loin a si; ahohmanh nih an in doh ahcun, an sung lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 28:13

Cu ruangah cun pei Bawipa nih a cafang tete in, a tlang a tlang in, cawn awk timi a bu a bu in an cawnpiak hna lai cu a si cu. Cun nannih cu nan kal tikah nan ril lengmang ko lai. Hma nan ing lai, rap in foih nan si lai i sal ah tlaih nan si lai.

JEREMIAH 42:11

Babilon siangpahrang nan ṭihmi hi ṭih hlah u; Bawipa nih, “Ṭih hlah u, zeicahtiah amah kut chungin nannih cu khamh awk le chuah awkah nan sinah ka um ko,” tiah a ti.

JEREMIAH 51:20

Bawipa nih Babilon cu, Nang cu ka sobul le ka ral hriam na si; Nangmah in miphun hna cu ka khuai cikcek hna, Nangmah in ram cu ka hrawh hna;

EZEKIEL 38:7

I ralring tuah, ṭha tein i tim tuah, nangmah le nangmah he i fonh awkah aa pummi cu i tim tuah u law ka rian ṭuan awkah timhcia in um tuah u.

JOSHUA 11:5

Cun hi siangpahrang vialte hna nih cun an ralkapbu vialte cu an fonh hna i Israel mi kha doh awkah Merom ti ah cun an ra i an riak,

JEREMIAH 46:3

Phawpi le phawte he khan i tim u law ral doh awkah hmaiah fong u!

JEREMIAH 46:4

Rang kha danh hna u law i cit hna u, maw rangleng ralkap hna! Thir luchin chinh in umhmun khuar tuah u, Nan fei kha ta hna u law thir angki kha i hruk hna u!

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;