ISAIAH 66:20 - Lai (Hakha) Common Language Bible 2006

²⁰ Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

ISAIAH 66:20 Խաչաձեւ Հղումներ

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

ISAIAH 65:11

“Sihmanhsehlaw keimah a ka hlaw i Zion ka tlang thiang kha zeirello in a um i Gad le Meni a biami nan caah cun thil dang a si lai.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 43:6

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

ISAIAH 54:3

A kam kip in na ramri cu na kauh lai; miphun dang nih atu ah an umnak ram hi na mi nih an co ṭhan hna lai; atu i a kingmi khua hi a linsa ṭhan lai.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

NAMBAR 7:3

an pekchanhnak cu Bawipa hmaiah an ratpi, khuh ngeimi leng paruk le cawtum hlei hnih, hruaitu pahnih caah leng khat lengmang, cun pakhat caah cawtum pakhat lengmang; mah hna cu puan biakinn hmaiah an pekchanh hna.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

DANIEL 11:45

A bawi puan inn cu rili le tlang thiang, tlang vialte lak i aa dawh bikmi karlak ah cun a phun lai, sihmanhsehlaw ahohmanh bawmtu ngei loin a donghnak kha a phan lai.

NAMBAR 7:62

sui pakan pakhat shekel pahra a ritmi, zihmui a khat tein;

ZEFANIAH 3:10

Ethiopia tiva hna ralchan i aa ṭhekmi hna lakin ka sinah zaangfahnak hal in thla a cammi hna nih khan, ka sinah an laksawng kha an rak ka put lai.