ISAIAH 66:1 - Lai (Hakha) Common Language Bible 2006

¹ Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 66:1 Խաչաձեւ Հղումներ

LAMKALTU 17:24

Vawlei le a cung i a ummi thil vialte a sertu Pathian hi vancung le vawlei Bawi a si i minung sermi biakinn chungah a ummi a si lo.

1 SIANGPAHRANG 8:27

“Sihmanhsehlaw Pathian cu vawlei cungah cun khua a sa taktak hnga maw? Zohhmanh, van le a sang bik van nih hin an in tlum lo, zeitindah hi keimah sakmi inn chinchin nih cun an tlum hnga!

SALM 132:7

“Bawipa inn ah khan kal u sih, a bawiṭhutdan hmaiah khan amah cu bia u sih,” kan ti.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

2 CHANRELNAK 6:18

“Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga!

1 CHANRELNAK 28:2

Cun Siangpahrang David cu a dir i, “Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei.

SALM 99:9

Bawipa kan Pathian cu thangṭhat u, a tlang cungah cun amah cu bia u. Bawipa kan Pathian cu Mi Thiang a si!

MATTHAI 24:2

Aa thawh i, “Hihi nan hmuh cio ko hna a si lo mei? Sihmanhsehlaw hihi kan chimh hna: lung pakhat hmanh hi a umnak kel ah a ummi an um te lai lo, an dihlak tein chimh an si dih lai,” tiah a ti.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

MATTHAI 12:6

A ngaingai ti ahcun, biakinn nakin a ngan deuhmi pei hika ah hin a um cu.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

2 CHANRELNAK 2:5

Kan Pathian cu pathian vialte nakin a ngan deuh caah ka sak laimi inn cu a nganmi a si lai.

ISAIAH 60:13

“Far thing le Junipar thing le saipres thing, Lebanon tupi chung i thing ṭha bikbik hna kha, nangmah Jerusalem remhnak ah le ka biakinn dawhternak ah le ka khuapi dawhternak caah an rak phorh hna lai.