ISAIAH 65:6 - Lai (Hakha) Common Language Bible 2006

⁶ “Dan ka tat hna lai tiah bia ka khiah cang i an dantatnak ding cu ka ṭial cang. An tuahmi kha hmu loin ka um sual lai lo, an sualnak ruangah khan ka lehrulh hna lai i

ISAIAH 65:6 Խաչաձեւ Հղումներ

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

ISAIAH 64:12

Bawipa, hi thil nih hin na lung an hnorsuang hrim lo maw? Zeihmanh tuah loin maw na um ko lai kan celh lo tiangin na kan inter ko lai?

ISAIAH 42:14

Pathian nih aa thawh i, “Caan saupi dai tein ka um i ka mi kha ka let hna lo. Sihmanhsehlaw atu cu cawlcangh a cu cang; nau ngan a fakmi nu bantukin ka ai.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

EZEKIEL 11:21

Sihmanhsehlaw ṭhat lonak an tuahmi le thil fihnung an tuahmi cung i a lung a chia ṭheo rihmi tu cu an tuahmi kha zeicahdah an tuah tiah ka chimter hna lai, tiah Bawipa hrimhrim nih a ti,” tiah a ti.

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

DEUTERONOMI 32:34

“Mah hihi keimah nih ka khon i Ka ro kuang chungah ka hrenh chihmi a si lo maw?

EXODUS 17:14

Cun Bawipa nih Moses kha a thawh i, “Hi kong hi philh a si nakhnga lo cauk chungah ṭial tuah, cun Amalek mi kha a philh in philh an si lai, tiah Joshua kha chim,” tiah a ti.

LUKA 6:38

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.

SALM 107:17

A cheu cu an sual ruangah an zaw, ṭhat lonak an tuah ruangah temhnak an ing;

SALM 109:14

Bawipa nih a pupa hna sualnak kha philh hlah seh law a nu sualnak kha ngaithiam hlah seh.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

ISAIAH 59:18

A ral cu an tuahmi ning khan dan a tat hna lai, lamhlapi i a ummi hmanh kha dan a tat hna lai.

ISAIAH 66:6

Ngai hmanh u! Khua chung i aw thawng cu, Biakinn chung i thawng cu, Bawipa nih a ral dan a tat hnanak thawng a si.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.