ISAIAH 65:24 - Lai (Hakha) Common Language Bible 2006

²⁴ Ka sin i thla an cam tikah an thlacam a dih hlan hmanh in ka leh hna lai.

ISAIAH 65:24 Խաչաձեւ Հղումներ

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

ISAIAH 58:9

Thla nan cam tikah kan leh hna lai. Nan ka chawnh tikah kan chawnh ve hna lai. “Hremnak le nautatnak le holh ṭha lo kha nan ngol i

MARKA 11:24

Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 59:1

Bawipa cu nanmah khamh awkah a kut a tawi lo, bawmhnak nan halmi theihnak caah a hna a chet lo.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

GENESIS 24:15

A thlacam a dih hlanah khin Rebekah kha a ti-um cu a liang ah a run i khinh i a ra. Rebekah cu Bethuel fanu kha a si, Bethuel cu Milkah fapa kha a si i Milkah cu Abraham nau Nahor nupi kha a si.

2 SIANGPAHRANG 19:20

Cun Amoz fapa Isaiah nih Hezekiah sinah bia a cah i, “Hi bangin, Bawipa, Israel Pathian nih, ‘Assiria siangpahrang Sennakherib kong i na thlacamnak kha ka rak theih,’ a ti.