ISAIAH 65:20 - Lai (Hakha) Common Language Bible 2006

²⁰ Ngakchia kha an no lioah an thi ti lai lo i ahopaoh tar tlung in an nung cio lai. Kum za khat a simi kha mino ah rel an si lai. Cu hlan i thih cu dantatnak hmelchunhnak a si lai.

ISAIAH 65:20 Խաչաձեւ Հղումներ

JOB 5:26

Rawl phal tommi cu amah caan te ah phuhri a phanh bantukin. Chan tling cikcek tein thlan khor na phan lai.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

SALM 34:12

Nun nuam tein nun le chan saupi le lunglawm in nun cu nan duh maw?

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

ISAIAH 22:14

Ralkapbu Bawipa hrimhrim nih a ka chawnh i, “Hi thil ṭhalo hi, an nun chung paoh cu, ngaihthiam an si bal lo. Hi bia cu Bawipa Ralkapbu Pathian nih ka chimmi a si,” a ti.

ZEKHARIAH 8:4

Mah hihi ralkapbu Bawipa bia cu a si: “Jerusalem khua chung lam hna ah cun nutar le patar hna kha an ṭhu ṭhan lai, an kum a upat caah ṭhiangṭhunh kha an i hngauhchan cio lai;