ISAIAH 65:14 - Lai (Hakha) Common Language Bible 2006

¹⁴ Lunglawm in hla an sa lai, sihmanhsehlaw nannih cu lungkuai in nan ṭap lai.

ISAIAH 65:14 Խաչաձեւ Հղումներ

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

SALM 66:4

Vawlei cungmi vialte nih an in biak i hla in an in thangṭhat, na min kha hla in an thangṭhat,” tiah chim u.

JEIM 5:13

Nan lakah harnak a tongmi nan um ahcun, thla cam hna seh. A lung aa lawmmi nan um ahcun, thangṭhatnak hla sa hna seh.

JEIM 5:1

Nannih mirum hna, ka bia hi ngai tuah u. Nan cung i harnak a tlung ding ruangah hin ṭap u law ai len tuah u.

LUKA 13:28

Nannih vial cu lengah nan um lai i Abraham le Isak le Jakob le profet vialte hna cu Pathian Pennak chungah khan nan hmuh hna lai, cu tikah nan ṭap len lai i nan hacang nan i rial sek te lai.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

MATTHAI 13:42

meiphu chungah an paih hna lai, cuka ah cun an ṭap lai i an hacang an rial lai.

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

ISAIAH 24:14

A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i

JOB 29:13

A thi dengmangmi nih a thangṭhatmi cu keimah ka rak si i, Nuhmei, lunglawmhnak in hla a saktertu cu keimah ka rak si.

SALM 109:28

Annih nih cun chiat an ka serh lai, sihmanhsehlaw nang nih cun thluachuah na ka pek lai. A ka hremtu cu sung hna seh law na sal kei tu cu lunglawm in umning.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.