ISAIAH 65:13 - Lai (Hakha) Common Language Bible 2006

¹³ Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

ISAIAH 65:13 Խաչաձեւ Հղումներ

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

ISAIAH 61:7

Na ningzahnak le na thangchiatnak cu a dong cang. Nangmah ramte ah khan na um cang lai i na rumnak cu a let hnih in a ṭhang lai; na lawmhnak cu zungzal in a hmun lai.

ISAIAH 44:9

Siasal a sermi hna cu pakpalawng an si i a sung tuk hringhran ah an ruahmi an pathian hna cu santlailo an si. Hi pathian a biami hna cu mitcaw le mihrut an si i ningzahnak an ing lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

SALM 34:10

Chiandeih hmanh hi rawl hmu loin an um tawn i rawlṭam in an vak tawn, sihmanhsehlaw Bawipa nawl a zulmi cu zeihmanh an baumi a um bal lo.

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

ISAIAH 41:18

Tlang car ah tiva ka luanter hna lai i nelrawn ah cerhti ka putter hna lai. Thetse ram kha tidil ah ka ser hna lai i ramcar kha a luangmi cerh ah ka ser hna lai.

ISAIAH 42:17

Siasal aa bochanmi vialte le milem cu kan pathian a si tiah a timi vialte cu ningzak le hmaichia in an um lai,” a ti.

ISAIAH 44:11

Siasal a sertu hna cu minung an si, minung nak ngan deuh an si lo. Ra hna seh law biaceihnak hmun ah ra chuak ve tuah hna seh — an thin a phang lai i nihsawhnak an ing ve ko lai.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 50:11

Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

ISAIAH 62:9

Thlaici a tuh i rawl a ṭuantu nanmah nih rawl cu nan ei lai i Bawipa cu nan thangṭhat lai. Mitsur kha a zohkhenh i a pumhkhawmtu nih, ka biakinn chungah mitsur hang cu nan din lai,” a ti.

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

HOSEA 4:10

Annih nih an co awk a simi raithawinak sa kha an ei tikah an rawl a ṭam ṭhiamṭhiam ko lai. Tefa ṭha ngeihnak pathian kha an biak, sihmanhsehlaw keimah kha kaltak riangmang in pathian dang kha an zulh hna caah fa an ngei hlei lai lo,” tiah a ti.

PHUNGTHLÛKBIA 13:25

Miding cu ei awk a za in an ngei, sihmanhsehlaw miṭhalo cu an rawl a ṭam zungzal ko.