ISAIAH 64:10 - Lai (Hakha) Common Language Bible 2006

¹⁰ Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

ISAIAH 64:10 Խաչաձեւ Հղումներ

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

DANIEL 12:7

Puan hmangṭhia aa aihmi nih cun a kehlei kut le a orhlei kut kha van leiah a hler hna i, “Caan khat, caan hnih le caan cheu chung a si lai; mithiang mi hna a hremtu hna kha a donghnak caan a phak ve tikah hi thil vialte cu an donghnak an phan ve lai,” tiah zungzal a nungmi Pathian min chalh in chiat a ser kha ka theih.

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

LUKA 21:21

Khi tikah Judea ram i a ummi hna cu tlang ah zam hna seh law; khuapi chungah a ummi hna cu chuak hna seh law khualeng ramlak i a ummi hna cu khuapi chungah khan lut hna hlah seh.

ISAIAH 6:11

“Hi bantuk hin zei can dah a um lai, Bawipa,” tiah ka hal i, “Khuapi cu a rawk dih i a lawn dih tiang—inn cu a chung i mi umtu an um lo tiang—hi ram hi a kin in a kin dih cikcek tiang a si lai.

ISAIAH 48:2

Asinain, kannih cu khua thiangmi kan si, Israel Pathian aa bochanmi kan si, cu Pathian cu a min ah Ralkapbu Bawipa a si, tiin nan i porhlaw.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

ṬAHNAK HLA 1:10

A ro vialte kha tlaih awkah a ral nih a kut kha a chuah; Khi tikah khan, nangmah na mibu chungah luh awk na thlauhmi Jentail mi hna a hmunthiang chung i an luh kha a hmuh hna.

1 CHANRELNAK 23:5

thong li cu kutka cawngtu an si lai i thangṭhatnak caah ka sermi hlasaknak thilri in thong li nih Bawipa kha thangṭhatnak an pek lai,” tiah a ti.

ISAIAH 63:18

Kan ral nih na mi cu an kan dawi dih dengmang i Biakinn cu an thurhhnawmh.

ṬAHNAK HLA 1:7

Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

HAGGAI 2:3

“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?