ISAIAH 63:9 - Lai (Hakha) Common Language Bible 2006

⁹ Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

ISAIAH 63:9 Խաչաձեւ Հղումներ

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

LAMKALTU 12:11

Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

EXODUS 14:19

Israel bu hmaiah a kalmi vancungmi kha aa ṭhial i an hnu in a zulh hna. An hmai i a ummi minmei tom kha aa ṭhial i an hnuah a um.

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

HEBRU 2:18

Amah hrimhrim nih khan tukforhnak le temhinnak kha a rak in cang caah tukforhnak a ingmi kha a bawmh khawh hna.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

LAMKALTU 7:38

Amah cu thetse ram i a rak i pummi Israel mi hna sin i a ummi kha a si, amah cu a kan hringsortu hna sin i khua a rak sami le Sinai Tlang ah a sin i bia a rak chimtu vancungmi sin i a ummi kha a si; amah cu Pathian bia zungzal in a nungmi kan sin i phakter awkah a rak latu kha a si.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

LUKA 15:5

A va hmuh tikah a lung aa lawm tuk i cucaah a liang ah aa khinh i

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

1 KORIN 10:9

A cheu nih Bawipa an rak hneksak bantuk khan kan hneksak ve awk a si lo, cu ti an tuah caah khan rul nih a rak cuk hna.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

EXODUS 33:15

Moses nih cun, “Kan sin i na kal lo dingah cun, hi hmun hin kan thawhter hlah.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 43:4

Na nunnak khamh awkah miphun pipi zong kha ka hlawt ko hna lai, zeicahtiah nangmah cu ka caah a sungmi na si i upatnak kan pek i kan dawtmi na si.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

JOEL 2:18

Khi tikah Bawipa nih a ram kha a zawn a ruah i a mi hna cungah zaangfahnak a ngeih kha a langhter.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

SALM 25:22

Maw Pathian, na mi cu kan harnak chung hin kan khamh ko!