ISAIAH 63:6 - Lai (Hakha) Common Language Bible 2006

⁶ Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

ISAIAH 63:6 Խաչաձեւ Հղումներ

BIAPHUAN 16:19

Khualipi cu cheu thum ah a kuai i ram vialte cu an khua kha an rawk dih. Pathian nih a liannganmi Babilon kha a philh lo i a hrai chung zu kha a dinter — a thinhunnak zu kha.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

ṬAHNAK HLA 3:15

A khami an in a ka khimter i Anfangkha in a ka ritter.

ISAIAH 29:9

Va kal u law va hrut ṭhiamṭhiam ko rih u. Va kal u law mitcaw in va um ṭhiamṭhiam ko rih u. Zu din loin ri ko u. Dor khat hmanh din ṭung lo ah sawn lengmang in um ko u.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

SALM 60:3

Na mi cu temhnak tampi na kan inter, a kan rittertu zu kha na kan dinter.

JOB 21:20

An rawhnak cu anmah mit hrimhrim nih hmu seh law Lianngan Bik thinlinhnak cu anmah nih ding hrim ko hna seh.

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 34:7

Mi cu cawtum hrang le cawtum no bantukin an thi lai i vawlei cu thisen nih a ciah in a ciah lai i thau nih a khuh lai.

ISAIAH 51:17

Jerusalem, i hlau tuah! I ṭhang law tho tuah! Bawipa nih a thinhun in dantatnak hrai din awk an pekmi cu na din cang; na din cang i na sawn len cang.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 13:13

Khi tikah na thawh hna lai i, ‘Hi bangin Bawipa nih a ti: Hi ram chung i a ummi vialte hna hi an rit hlan tiang, mitsur hang in ka khahter hna lai — bawiṭhutdan ah a ṭhumi siangpahrang David tefa hna, tlangbawi hna le profet hna le Jerusalem i a ummi vialte hna hi ka ritter hna lai.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.