ISAIAH 63:5 - Lai (Hakha) Common Language Bible 2006

⁵ Khua ka cuan, sihmanhsehlaw bawmtu ahohmanh an um lo; mithram cat in ka zoh, sihmanhsehlaw a ka bawmtu ahohmanh an um lo;

ISAIAH 63:5 Խաչաձեւ Հղումներ

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 41:28

An pathian kha ka zoh hna tikah bia chim awk a ngeimi pakhat hmanh an um lo; bia ka halmi hna a ka let khotu pakhat hmanh an um lo.

ISAIAH 40:10

Bawipa nih ṭhawnnak in a uk hna lai i a khamhmi kha aa ratpi hna lai.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

1 KORIN 1:24

Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

SALM 22:11

Hung ka hlaat sawh hlah! Harnak nih a ka naih i a ka bawmtu ahohmanh an um lo.

SALM 69:20

An ka serhsat tuk caah ka lung zong a rawk dih; zeihmanh ka tuah kho ti lo. An ka zaangfah rua lai tiah ka rak ruah, sihmanhsehlaw zaangfahnak zeihmanh ka hmu lo; a ka hnemtu an um rua lai tiah ka rak ruah, sihmanhsehlaw ahohmanh an um lo.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

SALM 107:12

Rian hrang an ṭuannak ah khan an ba i an rilh tikah ahohmanh nih an hlawm duh hna lo.