ISAIAH 63:4 - Lai (Hakha) Common Language Bible 2006

⁴ Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

ISAIAH 63:4 Խաչաձեւ Հղումներ

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

ISAIAH 61:2

Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

LUKA 21:22

Zeicahtiah mah hihi ‘Dantatnak Ni’ tiah timi kha a si i Cathiang nih a chimmi vialte cu a tlinnak ding caah umter dingmi an si.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

SALM 107:2

Bawipa nih a khamhmi vialte hna, amah cu thangṭhat u sih. Nan ral kut chungin an chuah hna i

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

ISAIAH 35:9

Chiandeih zeihmanh an um lai lo, saram ṭihnung zeihmanh an i chawk lai lo. Bawipa nih a luattermi hna cu hi lam hin inn ah an tlung lai.

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

ISAIAH 52:3

Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 13:9

Bawipa ni cu a ra lio, a thinhunnak le a thinlinhnak ni, ni ṭihnung cu a phan dengmang cang. Vawlei cu ramking ah a cang lai i misual mi paohpaoh cu thah an si lai.

JEREMIAH 50:15

Amah cu teinak in auhnawh u, a kut a hler cang; A ralvennak buk kha an cim cang, a ralhau kha an rawk cang; Mah hihi Bawipa nih a cungah phuhlamnak a tuahmi cu a si. Amah cungah cun phuhlamnak tuah ve u, Amah nih a rak tuah bang khan a cungah tuah ve u.

EZEKIEL 25:14

Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.