ISAIAH 63:1 - Lai (Hakha) Common Language Bible 2006

¹ “Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

ISAIAH 63:1 Խաչաձեւ Հղումներ

BIAPHUAN 19:13

Aa aihmi puan cu thi aa neh dih. An auhnak a min cu “Pathian Bia” ti a si.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

MATTHAI 21:10

Jerusalem khua chungah an va luh tikah a khuapi in an i tuai i, “Hi pa hi ahodah a si?” tiah mi nih khan an rak hal hna i,

SOLOMON HLA 8:5

Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

SOLOMON HLA 6:10

Khuadei fingrei cat bang ahodah rung lang ci, Thlatangpa bang dawh i a ceu cin ninu bang, Vanlai arfi ceu cin hna a hluan.

SOLOMON HLA 3:6

Zei hna dah maw fing le tlang lakin ra ai cu, Frankinsen zihmui le maw mura khu khi bang, Chawlet nih maw an zuar tawn zihmui khu a hluan.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

SALM 108:13

Pathian kan sinah a ṭan caah kan tei hna lai; kan ral cu amah nih a kan teipiak hna lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

EZEKIEL 25:12

Bawipa Pathian bia cu hihi an si: Edom nih timh ciammam tein Judah cungah phu a hlam caah zungzal a hmunmi mawhchiatnak kha a hmuh,

EZEKIEL 35:1

Mah hihi Bawipa Pathian nih ka sinah a chimmi bia an si:

EZEKIEL 38:17

Hihi Bawipa Pathian bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

OBADIAH 1:1

Obadiah nih a chimmi bia: Mah hihi Bawipa Pathian nih Edom kong ah a chimmi bia a si. Bawipa nih miphun hna sinah lamkal a thlah i, “I hlau tuah u; Edom doh awkah i hlau tuah u sih,” tiah lamkaltu nih cun a ti tikah, Hi bia hi Bawipa sin khan ka theih.

OBADIAH 1:9

Teman ralkap hna cu an thin a phang lai i, Esau Tlang i a ummi ralkap vialte kha thah an si lai,” tiah Bawipa nih a ti.

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

GENESIS 36:33

Bela a thih tikah Bozrah khuami Zerah fapa Jobab nih khan a hun chaan.

GENESIS 49:11

A laa no kha mitsur ruang, mitsur ruang ṭha bik phun ah khan a hren; a thilpuan cu mitsur zu chungah khan a suk, a sen in a senmi mitsur zu chungah khan.

1 CHANRELNAK 1:44

Bela a thih tikah, Bozrah khuami Zerah i a fapa Jobab cu amah hmun ah khan a hung bawi.

SALM 65:6

Na ṭhawnnak in tlang pipi hna cu an umnak hmun ah khan na umter hna i a ṭhawngmi na lianhngannak cu na langhter.

ISAIAH 34:1

Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 42:3

A derthawmmi cungah khan nem tein a um lai i bawmtu a ngei lomi kha a zaangfah hna lai. A hmunmi dinnak kha mi vialte cungah a tlunter lai.

JEREMIAH 48:24

Kerioth le Bozrah khua cungah khan biaceihnak cu a tlung cang. Moab ram khua vialte cungah, a hla mi he a naimi he, biaceihnak a phan cang.