ISAIAH 62:9 - Lai (Hakha) Common Language Bible 2006

⁹ Thlaici a tuh i rawl a ṭuantu nanmah nih rawl cu nan ei lai i Bawipa cu nan thangṭhat lai. Mitsur kha a zohkhenh i a pumhkhawmtu nih, ka biakinn chungah mitsur hang cu nan din lai,” a ti.

ISAIAH 62:9 Խաչաձեւ Հղումներ

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

DEUTERONOMI 16:14

nanmah le nan fapa le nan fanu le nan salpa le nan salnu le nan khua chung i a ummi Levi mi, mipem, pangeilo le nuhmei nih nan puai ah cun nan i lawm lai.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

ISAIAH 65:21

Mi nih inn an i sak lai i an umnak hna lai, midang nih an hmankanh hna lai lo. Mitsur dum kha an i ser lai i a mitsur hang kha an din hna lai, midang nih an dinkanh hna lai lo. Thingkung bantukin ka mi cu an chan a sau lai. An ṭuanmi chungin an hmuhmi theitlai kha tlamtling tein an hman hna lai.

EZEKIEL 40:14

Innleng cu a tah i khattelei kam in khattelei kam tiangah dong kul a si, kutka innleng cu a tah dih hnuah lenglei tual kha a tah,

JOEL 2:26

Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.

ZEKHARIAH 3:7

“Mah hihi ralkapbu Bawipa bia a si. Ka lam kha na zulh hna i ka rian kha na ṭuan hna ahcun, ka inn chungah khuakhang laireltu na si lai i ka biaceihnak inn hna cu na uk hna lai, cun hika i rian a ṭuantu hna lakah hin luhnak nawl le chuahnak nawl na ngei lai.

JEREMIAH 31:5

Samaria tlang cungah khan mitsur dum kha nan ser ṭhan hna lai i Mitsur dum in a chuakmi cu a cingtu hna nih khan an ei lai.