ISAIAH 62:4 - Lai (Hakha) Common Language Bible 2006

⁴ “Hlawtmi,” ti na si ti lai lo i na ram zong “Kaltakmi Nupi” ti a si ti lai lo. Na min thar cu “Hefzibah” ti a si lai i na ram cu “Beulah” ti a si lai. Cu Bawipa kha na cungah aa lawmh caah a si i na ram caah va bantuk a si lai.

ISAIAH 62:4 Խաչաձեւ Հղումներ

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

JEREMIAH 32:41

An cungah kaa lawm lai i an ca i ṭhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

SALM 149:4

Bawipa nih a mi cu a zaangfah hna i santlai lomi kha teinak a pek hna.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 60:15

“Hlawt na si ti lai lo i huat na si ti lai lo. Ṭiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

ISAIAH 49:14

Sihmanhsehlaw Jerusalem khuami nih cun an i thawh i, “Bawipa nih a kan hlawt cang! A kan philh cang!” an ti.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

ISAIAH 62:2

Jerusalem, miphun hna nih, teitu na si kha an hmuh lai! An siangpahrang vialte nih na sunparnak kha an hmuh lai. Min thar in auh na si lai i cu min cu Bawipa hrimhrim nih an pek lai.

ISAIAH 65:19

Jerusalem le a mi hna ruangah keimah zong lawmhnak in ka khat lai. Ṭahnak a um ti lai lo i bawmhnak hal zong a herh ti lai lo.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

MALAKHI 3:12

Nan ram cu dawtmi ram a si lai caah, miphun vialte nih lunglawmmi an in ti hna lai, tiah ralkapbu Bawipa nih a ti.

DEUTERONOMI 30:9

Bawipa nih nan pupa hna kha a rak lawmh hna bangin, nannih rumter awk kha a duh ṭhan lai caah, Bawipa nan Pathian nih nan kut rian vialte le, nan pum theitlai le, nan saṭil karhnak le nan vawlei theitlai ah tam piin an rumter hna lai;

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

EZEKIEL 36:35

Mi nih an i thawh lai i hi ram ṭiaotak cangmi ram hi, Eden dum bantuk ah a cang ṭhan cang an ti lai. Hlan i a rak rawk i an rak bauh i an rak chimhmi khua, atu i ṭha tein kulh a si ṭhanmi hna chungah hin, mi khua an sa ṭhan lai.

HOSEA 2:21

Khi tikah ka mi Israel mi an thlacamnak kha ka leh hna lai. Vawlei ah ruah ka surter lai i rawl le mitsur le oliv thei kha an chuah hna lai, tiah Bawipa nih a ti.