ISAIAH 61:2 - Lai (Hakha) Common Language Bible 2006

² Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le

ISAIAH 61:2 Խաչաձեւ Հղումներ

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

ISAIAH 34:8

Hi caan hi Bawipa nih Zion kha a khamh i a ral hna cungah phu a hlam caan kha a si lai.

ISAIAH 57:18

“An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka hnemh hna lai.

LUKA 4:19

Bawipa nih a mi hna a khamh hna lai ding kum cu va thanh awkah a ka thlah!” tiah aa ṭialnak hmun kha a rel.

1THESALON 2:16

Khamhnak a petu hna ding bia kha Jentail mi cu chim hna hlah u, an kan ti. Annih nih an sualnak cu an tamter chin luaimai i atu cu Pathian thinhunnak nih khan a tlakhnawh hna.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.

ISAIAH 13:6

Nganfak in ai tuah u! Bawipa ni cu a nai cang, Lianngan Bik nih rawhnak a tlunter lai ni cu a nai cang.

ISAIAH 34:2

Miphun vialte hna le an ralkapbu vialte hna cungah Bawipa cu a thin a hung. Hrawh dih dingin a ruah cang hna.

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?