ISAIAH 60:22 - Lai (Hakha) Common Language Bible 2006

²² Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu Bawipa ka si,” a ti.

ISAIAH 60:22 Խաչաձեւ Հղումներ

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

HEBRU 10:36

Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.

ISAIAH 66:8

Cu bantuk thil cu aho tal nih an hmu bal in an thei bal maw? Ni khat ah miphun phun khat cu chuah khawh a si bal maw? An phun ningin a chuah hlanah Zion cu saupi nganfah a in a hau lai lo.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.

ISAIAH 5:19

Nan i thawh i, “Bawipa nih ka tuah lai a timi cu khulrang in tuah tuah ngat seh, kan zoh fom lai ta. Israel Pathian nih cun aa timhmi cu tuah tuah ngat seh. A lung chungah zeidah aa chiah ti cu kan zoh fom lai ta,” nan ti.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

LAMKALTU 5:14

Cuhleiah mi kha an bu ah cun an i chap chin lengmang i Bawipa a zummi hna cu nu he pa he bu nganpi ah an i cang.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

DANIEL 2:35

Khi tikah thir le vawlei le dar le ngun le sui cu an i cheu an i hmal dih cikcek i ṭhal caan i phuhri i favai cu thli nih a choih hna bantuk khin an choi dih i an lohnak zawn hmanh hngalh an si lo. Sihmanhsehlaw milem a dengtu lungpi cu tlang nganpi ah a cang i vawlei vialte kha a khat dih.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.