ISAIAH 60:17 - Lai (Hakha) Common Language Bible 2006

¹⁷ Dar can ah sui kan pek lai, thir can ah ngun kan pek lai i thing can ah darsen kan pek lai. Lung can ah thir na hmuh lai. An uktu bawi hna nih khan an in hrem ti lai lo, dinnak le daihnak in ka ukter hna lai.

ISAIAH 60:17 Խաչաձեւ Հղումներ

HEBRU 11:40

zeicahtiah kan caah Pathian nih khuakhannak ṭha deuh a ngeih caah a si; annih kha kanmah he lawngin tlinnak a hmu kho ding an rak si.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

ISAIAH 30:26

Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

ISAIAH 1:26

Hlanpi ah nan rak ngeihmi hruaitu hna le fimchimtu hna bantuk kha kan pek ṭhan hna lai. Cun Jerusalem cu, dinnak khua, zumhawktlakmi khua, ti a si lai,” a ti.

2 PETER 3:13

Sihmanhsehlaw kannih cu Pathian nih a kan kamhmi van thar le vawlei thar, dinnak a umnak inn kha kan hngak.

SALM 147:14

Na ramri kha him tein a umter hna i changvut ṭha bikbik in na paw an khimter.

ISAIAH 60:16

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. Bawipa nih kan khamh kha na hngalh lai, Israel Pathian ṭhawng nih kan luatter kha na hngalh lai.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

DANIEL 11:20

Amah cu pakhat nih a hun chaan lai i cu pa nih cun hramhram in siangpahrang ngunkhuai cu kholh awkah bawi pakhat a thlah lai, sihmanhsehlaw hi siangpahrang zong cu tlawmpal ah khin a donghnak a phan lai i asinain mah cucu lenglang in siseh, raltuknak hmun ah siseh, a si lai lo.

HAGGAI 2:8

Ngun cu keimah ta a si, sui cu keimah ta a si, tiah ralkapbu Bawipa nih a ti.

1 SIANGPAHRANG 6:30

Inn cu a chunglei dal he a lenglei dal he a zelṭuang kha sui in a hut hna.

SALM 72:3

Ram nih hin rumnak i lawmhpi seh law dinnak kha a chungah leng seh.

ISAIAH 55:13

Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i Bawipa nih ka tuahmi an hngalhter ṭhantu hna a si lai,” a ti.