ISAIAH 60:13 - Lai (Hakha) Common Language Bible 2006

¹³ “Far thing le Junipar thing le saipres thing, Lebanon tupi chung i thing ṭha bikbik hna kha, nangmah Jerusalem remhnak ah le ka biakinn dawhternak ah le ka khuapi dawhternak caah an rak phorh hna lai.

ISAIAH 60:13 Խաչաձեւ Հղումներ

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

1 CHANRELNAK 28:2

Cun Siangpahrang David cu a dir i, “Ka unau hna le ka mi hna, ka bia ka ngai tuah u. Bawipa biakamnak kuang caah le kan Pathian ke chiahnak caah dinhnak inn pakhat kha sa ning law tiah ka lung chungin ka rak ti tawnmi a si i cu saknak caah cun timhtuahnak ka rak ngei.

SALM 132:7

“Bawipa inn ah khan kal u sih, a bawiṭhutdan hmaiah khan amah cu bia u sih,” kan ti.

SALM 96:6

Sunparnak le rumra cu a velchum ah an um i lianhngannak le dawhnak cu a biakinn chungah an um.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 55:13

Atu i hlingbur an umnak hmun ah hin saipres thing an kho lai i hling lakah hin martal thing rimhmui an um lai. Hi hmelchunhnak hi zungzal in a hmunmi hmelchunhnak a si lai i Bawipa nih ka tuahmi an hngalhter ṭhantu hna a si lai,” a ti.

EZRA 7:27

Ezra nih, “Bawipa, kan pupa hna Pathian cu thangṭhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i

SALM 99:5

Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

EZEKIEL 47:7

Ti kam i kan rat ṭhan tikah cun a kap hnih in thingkung tampi an um kha ka hmuh.

2 CHANRELNAK 2:15

Cucaah ka bawipa nih na chimmi changvut, barli, chiti le mitsur hang hna cu na sal hna hi hun kua hna;