ISAIAH 60:11 - Lai (Hakha) Common Language Bible 2006

¹¹ Miphun dang siangpahrang hna nih an chaw le an va cu an ratpi khawh nakhnga, chunzan in na kutka cu i hung zungzal ko hna seh.

ISAIAH 60:11 Խաչաձեւ Հղումներ

ISAIAH 60:5

Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

ISAIAH 60:18

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

ISAIAH 62:10

Jerusalem khuami hna, i thawh u law nan mi a ra kir liomi hna caah lam va ser u. Lam nganpi pakhat in va ser u law lung vialte kha hlonh dih hna u.

SALM 149:8

an siangpahrang hna kha khit hna seh law thir cikcin in hreng hna seh;

NEHEMIAH 13:19

Sabbath lai ni i Jerusalem kutka hna ah khua muih hram aa thawk tikah khin, innka cu khar dih awk an si lai tiah nawl ka pek hna i sabbath ni a dih hlantiang hun an si lai lo tiah nawl ka pek fawn hna. Cun sabbath ni ah cun thilrit zeihmanh luhpi an si nakhnga lo, ka sinum hna chungin tlawmpal kha kutka cu ka cawnghter hna.

ISAIAH 24:21

Bawipa nih cunglei ṭhawnnak le vawlei cung uktu hna kha dan a tat hna lai ni a phan lai.

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.