ISAIAH 6:1 - Lai (Hakha) Common Language Bible 2006

¹ Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

ISAIAH 6:1 Խաչաձեւ Հղումներ

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.

DANIEL 7:9

Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam.

SALM 113:5

Bawipa kan Pathian bantuk hi ahohmanh an um lo, vancung ah siseh, vawlei ah siseh, amah bantuk ahohmanh an um lo, a bawiṭhutdan cu cung sangpi ah khin a hun,

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

SALM 108:5

Maw Pathian, na lianhngannak cu van ah khin langhter law na sunparnak cu vawleicung dihlak ah hin langhter ko.

BIAPHUAN 4:2

Thlarau nih cun khulrang in a ka tlaih. Cun vancung ah cun bawiṭhutdan pakhat a ummi a cungah cun mi pakhat a ṭhut kha ka hmuh.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

BIAPHUAN 5:1

Bawiṭhutdan cung i a ṭhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa ṭial dih i cakhenh pasarih in an khenh chih.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

1 SIANGPAHRANG 22:19

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah a pawng i an dir kha ka hmuh;

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 1:1

Amoz fapa Isaiah sinah Pathian nih Judah le Jerusalem kongah Judah siangpahrang Uzziah, Jotham, Ahaz le Hezekiah hna chan i a hmuhmi langhnak hna.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

BIAPHUAN 4:10

Cu bantukin an thangṭhat tikah upa kul le pali kha bawiṭhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiṭhutdan hmaiah cun an chiah hna i,

EZEKIEL 10:1

Cun cherubim hna lu cung i a ummi cungkhuh cungah khan safaiar lungvar bawiṭhutdan bantuk a hung langmi kha ka hmuh.

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!

2 SIANGPAHRANG 15:7

Cun Azariah cu a pupa hna sinah a it i David khua chungah a pupa hna sinah an vui, cun a fapa Jotham cu amah hmun ah khan a hung bawi.

BIAPHUAN 5:7

Tuufa cu a va kal i bawiṭhutdan cung i a ṭhumi orhlei kut i cazual kha a va lak.

BIAPHUAN 4:3

A hmai cu jasper lungvar le karnelian lungvar bantukin a tleu i bawiṭhutdan velchum ah cun emeral lungvar mui a kengmi chuncha kha, aa zel.

BIAPHUAN 4:9

A nungmi saram pali nih cun bawiṭhutdan cung i a ṭhumi, zungzal in zungzal tiang a nungmi cu, sunparnak le upatnak le lawmhnak hla in an thangṭhat.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

2 CHANRELNAK 18:18

Cun Mikaiah nih cun, “Cucaah Bawipa bia cu thei tuah: Bawipa cu a bawi ṭhutdan cungah a ṭhut i vancung ralkapbu vialte a orhlei le a kehlei ah an dir kha ka hmuh;

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

DANIEL 10:17

Kei cu a bawipa hmai i a dirmi sal bantuk ka si. Zeitindah nangmah sinah bia ka chim khawh lai? Ka thazang a um ti lo, ka thaw zong a um ti fawn lo,” tiah ka ti.

EXODUS 24:9

Moses, Aaron, Nadab, Abihu le Israel mi hruaitu sawm sarih kha tlang cungah cun an kai i

JOB 42:5

Hna theihnak lawngin nangmah cu ka rak in theih, Sihmanhsehlaw atu cu ka mit in kan hmuh cang;