ISAIAH 59:16 - Lai (Hakha) Common Language Bible 2006

¹⁶ Hremmi hna a bawmtu ding pakhat hmanh an um lo kha a hmuh tikah a awlok a chong. Cucaah anmah khamhnak ah cun amah ṭhawnnak kha a hman lai i a tei hna lai.

ISAIAH 59:16 Խաչաձեւ Հղումներ

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

ISAIAH 41:28

An pathian kha ka zoh hna tikah bia chim awk a ngeimi pakhat hmanh an um lo; bia ka halmi hna a ka let khotu pakhat hmanh an um lo.

MARKA 6:6

Zumhnak an ngeih lo caah a khuaruah a har ngaingai. Cun Jesuh cu, cuka hrawng khua kha a tlawng hna i mi kha a cawnpiak hna.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

ISAIAH 33:3

Nangmah nih ral na kan tukpiak tikah, miphun hna cu cu raltuknak thawngpang ah cun an zam dih.

ISAIAH 40:10

Bawipa nih ṭhawnnak in a uk hna lai i a khamhmi kha aa ratpi hna lai.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 53:1

Mi nih khan an leh i, “Atu i kan chimmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?

ISAIAH 62:8

Bawipa nih biatak tein bia aa kam, a biakam cu a lianhngannak in a tlinter lai. Cu a biakam cu hihi a si: “Nan tirawl cu nan ral hna caah rawl a si ti lai lo i ramdangmi nih nan mitsur hang cu an in dinkanh ti hna lai lo.