ISAIAH 58:8 - Lai (Hakha) Common Language Bible 2006

⁸ “Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.

ISAIAH 58:8 Խաչաձեւ Հղումներ

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

SALM 85:13

Bawipa hmaiah khan dinnak cu a kal lai i a lam kha a rak sialpiak lai.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

EXODUS 14:19

Israel bu hmaiah a kalmi vancungmi kha aa ṭhial i an hnu in a zulh hna. An hmai i a ummi minmei tom kha aa ṭhial i an hnuah a um.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

SALM 97:11

Ceunak cu miding mi hna cungah khan a tlang i lunglawmhnak cu miṭha mi hna cungah khan a tlang.

HOSEA 14:4

An zuanzamnak hi keimah nih ka damter lai i Ka lung chung taktak in ka dawt hna lai; An cung i ka thinhunnak cu a dam cang.

JOB 11:17

Cun na nunnak cu chun nakin a ceu deuh lai, A muihnak cu zingka bantuk a si lai.

ISAIAH 57:18

“An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka hnemh hna lai.

ISAIAH 30:26

Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.

LAMKALTU 10:31

a ka thawh i, ‘Kornelias, Pathian nih na thlacamnak kha a theih i sifak na bawmhnak hna kha a philh lo.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

MATTHAI 13:15

Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

ISAIAH 33:24

Kan ram i a ummi cu ka zaw tiah an zai ti lai lo i an sualnak vialte cu ngaihthiam an si lai.

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

ISAIAH 62:1

Jerusalem cu lung ṭhawnnak pek awkah bia ka chimh lai, khamhnak a hmuh hlantiang le, a teinak zan meifar ceu bantukin a ceu hlantiang ka dai hrimhrim lai lo.

PHUNGTHLÛKBIA 11:17

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.

PHUNGTHLÛKBIA 11:25

Nun va siang law na rum lai, midang kha va bawm hna law an in bawmh ve lai.

ISAIAH 60:2

Miphun dang cu muihnak nih a huh hna lai, sihmanhsehlaw nang cungah cun Bawipa ceunak cu a ceu lai; a sunparnak lianhngannak cu na sinah a um lai.