ISAIAH 58:7 - Lai (Hakha) Common Language Bible 2006

⁷ A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

ISAIAH 58:7 Խաչաձեւ Հղումներ

LUKA 3:11

Anih nih, “Angki pahnih a ngeimi nih a ngei lomi kha pakhat ṭhen seh, cun rawl a ngeimi nih a ngei lomi kha hrawm seh,” a ti.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

PHUNGTHLÛKBIA 25:21

Na ral kha a rawl a ṭam ahcun ei awk rawl va pe, A ti a hal ahcun din awk ti va pe;

EZEKIEL 18:16

A rawl a ṭammi kha rawl a pek hna i hnipuan a ngei lomi kha hnipuan a pek hna.

ISAIAH 58:10

rawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.

PHUNGTHLÛKBIA 22:9

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

FILEMON 1:7

Ka dawtmi ka nau, dawtnak na ngeihmi nih ka lung a ka lawmhter ngaingai i lungṭhawnnak tampi a ka pek. Pathian mi vialte cu an lung na lawmhter dih ko hna.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

JOB 22:7

Tha baami kha din awkah ti na pe hna lo i rawl ṭammi kha rawl na sianh hna lo.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

NEHEMIAH 5:5

Cun annih nih cun, “Sihmanhsehlaw kan pum herhbaunak cu midang hna herhbaunak bantuk a si ve ko i kan fale hna cu an fale tlukin a ṭhami an si ve ko nain, kannih tu nih cun kan fale hna cu sal i i can awkah kan hnek lengmang ko hna. Kan fanule a cheukhat hna lebang cu sal ah an cang taktak cang, asinain, zeihmanh kan tuah khawhmi a um lo, zeicahtiah kan lo hna le kan mitsur dum hna cu midang ta an si cang,” an ti.

2 CHANRELNAK 28:15

Cun an min in an thiahmi hna nih khan an tho i hrengtangmi cu an lak hna i an lak i hnipuan lo i a ummi cu hranchaw chung khan hnipuan an aih hna; hnipuan an aih hna, kedan an pek hna, ei awk le din awk an pek hna i sathau an thuh hna; cun annih lak i a derthawmmi vialte kha laa an citter hna i ungkung khua an timi Jeriko khua ah cun an unau hna sinah an kalpi hna.

GENESIS 19:2

“Ka bawipale hna, nan salpa inn ah ra lut tuah u law ka tlung tuah u. Nan ke kha i ṭawl u law tuzan cu riak u. Thaizing ah nan tho lai i nan kal duhnak ah cun nan kal chin te lai,” a ti hna. Sihmanhsehlaw annih nih, “A si lo, khualai ah hin kan riak ko lai,” tiah an leh.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

BIACEIHTU 9:2

“Shekhem khua chung i a ummi vialte cu, ‘Nannih caah zeidah a ṭha deuh, Jerubbaal fapa sawm sarih nih an dihlak in an in uk hna ah maw, pakhat lawng nih an uk hna ah dah?’ tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u,” tiah a ti hna.

DEUTERONOMI 22:1

“Nan unau i a cawtum maw a tuu maw a tlaumi nan hmuh ahcun, bawm loin nan um lai lo; nan unau inn ah cun nan rak hruaih ṭhan hna lai.

PHUNGTHLÛKBIA 24:11

Thah awk i an kalpi liomi hna cu va chanh hna, Thah awk i an hnuhchih lenmi hna cu va khamh hna.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

PHUNGTHLÛKBIA 11:17

Zaangfah a thiammi na si tikah nangmah le nangmah ṭhatnak naa pek a si, cun na puar ahcun nangmah le nangmah harnak naa pe ko.