ISAIAH 58:3 - Lai (Hakha) Common Language Bible 2006

³ Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

ISAIAH 58:3 Խաչաձեւ Հղումներ

MALAKHI 3:14

“Pathian biak hi zeihmanh ah a ṭhahnem lo, tuah u a kan timi tuah i zuam le kan tuahmi ruangah kan ngaih a chia tiin ralkapbu Bawipa sin i langhter hi zei ṭhathnemnak dah a um?” nan ti.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

NEHEMIAH 5:7

Keimah le keimah kha ṭha tein kaa ruat ciammam i tuavon pawl le bawi pawl kha ka mawhchiat hna i, “Nannih nih a miak nan ei, nan unau hna sin khan nan ei cio ko,” tiah ka ti hna. Cun annih cu pumhnak nganpi ka serpi hna i

LUKA 15:29

A pa cu a thawh i, ‘Zohhmanh, kum hi zat riangruang, sal bantukin na rian ka ṭuan i voi khat hmanh na nawl ngai loin ka um bal lo. Zeidah na ka pek? Ka hawikom he i nuamhnak caah meheh pakhat hmanh na ka pe lo.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

SALM 69:10

Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

LEVITIKAS 16:31

Nannih caah dinh zirziarnak sabbath a si lai i nannih nih nan i temhinter lai; zungzal ca phung a si.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

JOB 34:9

Zeicahtiah amah nih cun aa thawh i, ‘Pathian cung i i lawmh nih hin minung caah zeihmanh ṭhathnemnak a tuah lo,’ a ti.