ISAIAH 58:2 - Lai (Hakha) Common Language Bible 2006

² Ni fate in an ka biak i, na nawl kha kan zulh hna i ahmaanmi kha kan tuah hna, an ti. Thluachuahnak kan pe law a dingmi phunglam kan pe, an ti,” tiah a ti.

ISAIAH 58:2 Խաչաձեւ Հղումներ

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

JOHAN 5:35

Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

MARKA 6:20

Herod nih cun Johan kha a ṭih ngaingai, zeicahtiah mi ṭha le mi thiang a si kha a hngalh i him tein a umter ko. A bia a theih fate lung sivang in a um tawn ko nain a chimmi ngaih kha cu a duh ko.

JEREMIAH 42:20

atu ah ralrinnak kan pek hna. Bawipa kan Pathian sinah cun nan ka kalter i, ‘Bawipa kan Pathian sinah thla kan campiak tuah! Nan tuah awk a si, tiah a kan timi paoh kha kan chim law, kan tuah lai’, nan ti.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

SALM 119:15

Na kan hmuhsakmi thil kha ṭha tein ka ngiat hna i na kan cawnpiakmi thil kha ka dothlat hna.

SALM 119:87

An ka thah khawh ciaomau, sihmanhsehlaw na nawlbia kha ka daithlanh hna lo.

SALM 119:151

Sihmanhsehlaw Maw Bawipa, nang nih cun lam nai tein na ka umpi i na biakamnak cu a si taktakmi an si.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

ISAIAH 57:3

Nannih misual mi, mifihnung hna, hika ah hin biaceih awkah ra tuah u. Nannih cu vacung in pa a duhmi hna le hlawhhlangnu hna nakin nan ṭha deuh hlei lo.

ISAIAH 57:12

Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna lai lo.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

JEREMIAH 7:10

Cun ka sinah nan ra i ka min in kawhmi hi inn chungah hin keimah hmaiah nan dir i, ‘Kan him ko,’ nan ti, hi thil fihnung vialte hna tuah awkah hin kan him ko, tiah nan ruah.

ISAIAH 42:20

Israel, nang cu thil tampi na hmu i na thei, sihmanhsehlaw na caah zeihmanh an si lo. Theihnak ding caah hna cu na ngei? Asinain zeital na theihmi a um maw?

EZEKIEL 20:3

A ka thawh i, “Mipa, hihi Bawipa Pathian bia a si tiah Israel upa cu chim hna: ‘Keimah cu ruahnak hal awkah nan ra maw? Ka nun bangin ka chim, nan ka hal kho lai lo. Hihi Bawipa Pathian bia hrimhrim a si,’ a ti,” tiah a ti.

AMOS 5:18

Bawipa ni aa hngahhlangmi nannih mihrut hna, Bawipa ni cu nan caah a sullam zeidah a si lai? Muihnak a si lai, ceunak a si lai lo.