ISAIAH 58:12 - Lai (Hakha) Common Language Bible 2006

¹² Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 58:12 Խաչաձեւ Հղումներ

ISAIAH 61:4

Saupi a rawk cangmi khua kha an remh ṭhan hna lai.

EZEKIEL 36:33

Mah hihi Bawipa Pathian bia cu an si: Nannih cu nan ṭhat lonak vialte in kan thianh hna tikah khua chungah cun mi ka umter ṭhan hna lai i siangpahrang inn hna cu remh ṭhan an si lai.

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

EZEKIEL 36:4

Cucaah fing hna le tlang hna le tiva hna le nelrawn hna le nan velchum i a ummi miphun dang hna nih an rok an ramh i an serhsatmi ṭiaotakmi siangpahrang inn hna le zamtakmi khua hna sinah Bawipa Pathian nih a chim tikah a bia kha ngai tuah u.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

ISAIAH 44:28

Sairas cu ka thawh i, ‘Keimah aiawh in uktu a si ding cu nangmah na si; tuah seh ti kan duhmi kha na tuah lai: Jerusalem cu sa ṭhan u tiah nawl na pek hna lai i Biakinn cu a hram ser u, tiah na ti hna lai,’ ka ti,” tiah a ti.

NEHEMIAH 6:1

Sanballat le Tobiah le Arab mi Geshem le kan ral hna nih khan kulhnak vampang cu ka remh dih cang i a pemnak a um ti lo ti kha an theih tikah, (cu caan tiangah cun kutka ah khan innkhar ka bunh rih hna lo nain),

NEHEMIAH 2:5

Cun siangpahrang cu ka thawh i, “Siangpahrang duhnak a si i na hmaiah na sal nih hin mithmai ṭha ka hmuh a si ahcun, ka va remh nakhnga, Judah ram ka pupa hna thlan umnak khuapi ah cun ka kalter tuah,” tiah ka ti.

JOB 3:14

Hlanlio siangpahrang inn hna a remh ṭhantu siangpahrang hna le bawi hna bang khan kaa hngilh diam cang hnga.

ISAIAH 30:13

Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.

EZEKIEL 13:5

Bawipa ni i ral tuk tikah fek tein an dir khawh nakhnga, Israel velchum i a ummi ralhau a rawkmi kha a rawhnak cu hung thlop awkah an hung kal lo.

MIKAH 7:11

Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.