ISAIAH 57:13 - Lai (Hakha) Common Language Bible 2006

¹³ Kan bawm u, tiah nan au tikah khan, nan siasal nih cun in khamh hna seh. Thaw thaw khat nih a choih hna lai. Sihmanhsehlaw keimah a ka bochanmi cu ram chungah hin an um lai i keimah kha ka Biakinn cungah an ka biak lai,” a ti.

ISAIAH 57:13 Խաչաձեւ Հղումներ

SALM 37:9

Bawipa aa bochanmi cu him tein ram chungah hin an um ko lai; sihmanhsehlaw miṭhalo cu ṭhawl an si lai.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

ISAIAH 65:25

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

EZEKIEL 20:40

Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

SALM 125:1

Bawipa aa bochanmi cu Zion Tlang bantuk an si; Zion Tlang, hninh khawh zong a si lo i ṭhial khawh zong a si lomi bantuk an si.

BIACEIHTU 10:14

Va kal u law, nan i thimmi pathian cu va au hna u; annih nih nannih cu vansang au in nan um lio caan ah in chuah hna seh,” tiah a ti.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

JEREMIAH 22:22

Nan hawile vialte cu thlitu nih a kalpi hna lai i Nanmah an dawtu vialte hna kha saltannak chungah an lut lai. Khi tikah nan ṭhat lonak ruangah ningzahnak le nautatnak nan in lai.

JEREMIAH 22:20

Jerusalem khuami hna, Lebanon ah khin hung kal u law hung au tuah u, Bashan ah khin fak piin hung au tuah u; Abirim in fak piin au u, zeicahtiah nanmah sin i a ṭangmi vialte kha an sung cang.

ISAIAH 65:11

“Sihmanhsehlaw keimah a ka hlaw i Zion ka tlang thiang kha zeirello in a um i Gad le Meni a biami nan caah cun thil dang a si lai.

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

ISAIAH 40:24

Annih cu thingkung note, phun kate le hram thla kate bantuk khi an si. Bawipa nih thlitu kha a thlahhnawh hna tikah an car i capawl bantukin thlitu nih cun a choih hna.

PHUNGTHLÛKBIA 28:25

Hakkauhnak nih cun rem lonak lawng kha a chuahter ko, cucaah Bawipa i bochan cu a ṭha deuh suaumau.

SALM 84:12

Maw Lianngan Bik Pathian, nangmah an bochanmi cu lunglawmmi an si.

SALM 58:9

An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.

JOB 21:18

Pathian nih a thinhun in miṭhalo cu dan a tat hna in, thlitu nih a choihmi capawl le thlichia nih a choihmi leidip bantuk ah a ser bal hna maw?

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

SALM 118:8

Minung i bochan nakcun Bawipa i bochan cu a ṭha deuh;

ISAIAH 14:32

Filistia ram in a rami lamkaltu hna kha zeitindah bia kan rak leh hna lai? Bawipa nih Zion cu a fehter cang i cuka ah cun fahnak a ingmi a mi hna kha him tein khua a sakter hna lai, tiah kan rak chimh hna lai.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

SALM 37:11

Sihmanhsehlaw mi toiah aa dormi cu ram chungah hin him tein an um lai i daihnak kha tlamtling tein an hmuh lai.

SALM 37:22

Bawipa nih thluachuah a pekmi cu ram ram chungah hin him tein an um lai, sihmanhsehlaw chiat a serhmi cu ṭhawl an si lai.

SALM 37:29

A dingmi cu ram chungah him tein an um lai i ram cu zungzal in anmah ta a si lai.

SALM 37:34

Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

JEREMIAH 2:28

Nan ca i nan i sermi nan pathian hna cu khuazei ah dah an si kun? An in khamh khawh hna ahcun, harnak nan ton ni ah cun tho hna ngat seh; Zeicahtiah, maw Judah, na khua le na pathian an i zat.