ISAIAH 55:7 - Lai (Hakha) Common Language Bible 2006

⁷ Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 55:7 Խաչաձեւ Հղումներ

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

JONAH 3:10

Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

SALM 66:18

Ka sualnak kha rak thup ning law ka thlacamnak cu a rak ka ngaihpiak hnga lo.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

LUKA 7:47

Cucaah hihi kan chimh, dawtnak nganpi a langhtermi nih khan a sualnak tampi a simi cu ngaihthiam an si cang, ti kha a langhter. An sualnak tlawmte lawng ngaihthiam a simi hna nih cun dawtnak tlawmte lawng an langhter ve,” tiah a ti.

MARKA 7:23

hi thil ṭhalo vialte hi minung chunglei in a chuakmi an si i minung a thurtertu cu hi hna hi an si,” tiah a ti.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

SALM 130:7

Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

JEIM 1:15

Cu tikah thil ṭhalo duhnak nih cun sualnak kha a pawi i a hrin; cun sualnak cu a ṭhang i patling a si tikah thihnak kha a hrin.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

ZEKHARIAH 8:17

Pakhat le pakhat cungah ṭhat lonak i tuah kha duh hlah u, lih in tehte khang hlah u, zeicahtiah hi vialte hi ka huatmi thil an si, ti hi Bawipa bia hrimhrim a si.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 31:6

Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

EZEKIEL 14:6

Cucaah hihi Bawipa Pathian bia a si tiah Israel mi cu chim hna: Nan siasal kha mertak hna u, thil fihnung nan tuahmi vialte kha nan hnulei chit hna u.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 15:4

sihmanhsehlaw an harnak chungin Bawipa, Israel Pathian leiah an i mer i an kawl tikah annih nih an hmuh ko.

2 CHANRELNAK 30:6

Cucaah siangpahrang nawl peknak bang khan ca phortu kha Israel le Judah ram vialte ah khan siangpahrang le a bawi pawl hna ca kha an i phorh i an kal, siangpahrang nih cun, “Maw Israel mi hna, Bawipa, Abraham, Isak le Israel Pathian sinah cun kir ṭhan u law Assiria siangpahrang hna kut in a luatmi nannih a tangmi hna leiah hin aa mer ṭhan ve lai.

2 CHANRELNAK 33:13

Amah sinah khan thla a cam i Pathian nih a nawlnak kha a cohlan i a thlacamnak kha a theih i amah ram Jerusalem ah khan a kirpi ṭhan. Khi tikah Manasseh nih Bawipa cu Pathian a si kha a hngalh.

JOB 22:23

Lianngan Bik sinah na kir ṭhan i na lung na ṭhumh i Na inn chungin dinlonak kha na dawi i

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

ISAIAH 21:12

Kei nih ka leh i, “Khua cu a dei deng, sihmanhsehlaw zan kha a ra ṭhan lai. Hal na ka duh ahcun, ra law rak ka hal ṭhan te,” ka ti.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;