ISAIAH 55:11 - Lai (Hakha) Common Language Bible 2006

¹¹ Cu bantuk cu ka kaa in a chuakmi bia cu a si ve lai — ka sinah a lawngin a ra kir ṭhan lai lo, tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.

ISAIAH 55:11 Խաչաձեւ Հղումներ

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

ROM 10:17

Cucaah zumhnak cu bia theihnak thawng khan a um i bia cu Khrih kong chimnak thawng khan a um.

JOHAN 6:63

Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

1 KORIN 1:18

Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

1 PETER 1:23

Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

HEBRU 6:7

Ruah a surmi a rak dawptu le a thlotu hna caah a ṭhahnemmi rawl kung a khohtertu vawlei cu Pathian nih thluachuah a pekmi vawlei a si.

ISAIAH 54:9

“Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti.

DEUTERONOMI 32:2

Ruah bantukin keimah cawnpiaknak cu sur seh law, Ka bia cu dap bangin tla seh, Ram no cung i chum a sur siahmah bantuk le Chawl borh cung i ruahti a tlami bantuk siseh.

ISAIAH 40:8

Asi, ram cu a car i pangpar cu a uai, sihmanhsehlaw kan Pathian bia cu zungzal in a hmun.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

JEREMIAH 23:20

Bawipa thinhunnak cu, a lung chung tinhmi kha a tuah i a tlinh hlanah cun aa let lai lo. Hmailei caan ah mah hihi fiang tein nan hngalh te lai.

EZEKIEL 24:14

“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.

AMOS 6:11

Zeicahtiah Bawipa nih nawlbia a chuah lai i Cu nawlbia a chuahmi thawng cun inn ngan cu a cim dih lai i inn hme cu a pelpawi ah an i chuah lai.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.

JEREMIAH 1:11

Cun Bawipa bia cu ka sinah a ra i, “Jeremiah, zeidah na hmuh?” tiah a ti.

JEREMIAH 1:12

Cun kei nih, “Tuan tein a parmi almond kung ka hmuh,” tiah ka ti. “Na hmaan, zeitintiah kaa tinhmi kha tlinter awkah tuan tein ka tho,” tiah a ti.

JEREMIAH 1:13

Bawipa bia cu a voi hnihnak ka sinah a phan ṭhan i, “Zeidah na hmuh?” tiah a ti. Cun kei nih, “A tlok hluahmahmi um, chaklei in hika leiah a sawnmi ka hmuh,” tiah ka ti.

JEREMIAH 25:13

Cu ram cungah cun ka chimmi vialte, hi cauk chung i aa ṭialmi vialte, hi mi hna cung tlung dingin profet Jeremiah nih a chimmi vialte kha ka tlunter lai.

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.