ISAIAH 54:17 - Lai (Hakha) Common Language Bible 2006

¹⁷ Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ISAIAH 54:17 Խաչաձեւ Հղումներ

ISAIAH 54:15

Ahohmanh nih an in tuk ahcun, keimah hnatlaknak tel loin a si; ahohmanh nih an in doh ahcun, an sung lai.

ISAIAH 50:8

Bawipa cu ka pawngah a um caah ningzahnak ka phan lai lo ti kha ka hngalh i ka sual lo kha a langhter lai. Taza a ka cuai ngamtu an um hnga maw? Taza cuainak hmun ah kal tuah u sih. Sual cu ka puh tuah seh.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

DANIEL 6:20

Siangpahrang cu cuka cu a va phak tikah Daniel cu lau lengmang in a vun auh i, “Daniel, a nungmi Pathian salpa, a rian na ṭuan zungzalmi na Pathian nih cun chiandeih hna sin khan an khamh kho maw?” tiah a ti.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

ISAIAH 29:8

Jerusalem tuk awkah aa pummi miphun vialte hna cu, a rawl a ṭammipa, a mang i rawl a ei ko na i aa hlauh tikah a rawl a ṭam ṭhiamṭhiammi bantuk le tihal in a thi dengmangmi, a mang i ti a ding nain aa hlauh tikah a dang a car ṭhiamṭhiammi bantuk khi an si lai.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

SALM 61:5

Maw Pathian, nangmah nih bia kaa kammi kha na theih i nangmah an upatmi hna ro kha na ka pek.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 58:14

ka rian nan ṭuannak chungin a chuakmi lawmhnak kha nan hmuh lai. Vawleicung mi vialte kha nanmah cu kan upatter hna lai i nan pu Jakob ka pekmi ram kha nanmah nih nan co lai. Hi bia cu Bawipa nih ka chim,” tiah a ti.

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

SALM 71:19

Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

SALM 71:16

Bawipa Pathian, na ṭhawnnak cu ka thangṭhat lai, na dinnak, nangmah dinnak lawnglawng kha ka thanh lai.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

JOB 42:7

Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

JOB 2:5

Sihmanhsehlaw atu cu na kut hei chuah law a ruh le a sa kha tawng tuah hna ngat, na hmai hrimhrim ah an vawlhpamh ko lai,” tiah a ti.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 17:12

Miphun ṭhawngṭhawng hna cu an i tuai, an i tuai thawng cu rili thawng bantuk le tilet ngan pipi thawng bantukin a thang.

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 50:9

A ka ṭanhtu cu Bawipa Pathian hrimhrim kha a si, cucaah aho nih dah sual an ka phawt khawh lai? Taza a ka cuaitu vialte kha an lo lai, rungrul nih a eimi puan bantukin an lo lai.

ISAIAH 51:5

Khulrang in ka ra lai i ka khamh hna lai; teinak ka hmuh laimi caan cu a nai cang. Keimah hrimhrim nih miphun kha ka uk hna lai. Lamhlapi i a ummi ram nih an ka hngah, anmah khamh awkah ngangngan ngai in an ka hngah.

ISAIAH 54:16

“Soser kha ka ser hna, annih nih so kha an ser i hriamnam kha an chuah. Cun ralkap zong kha ka ser hna i annih nih hriamnam kha mi thahnak ah an hman.

JOSHUA 24:10

Sihmanhsehlaw Balaam cu ka ngai duh lo, cucaah thluachuahnak an pek hna; cuticun nannih cu a kut chungin kan chuah hna.

ISAIAH 41:11

“Ka mi hna, nan cung i a thin a hungmi cu hmaichiatnak le ningzahnak an hmu lai. Nanmah an dohtu hna cu an thi lai;

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.