ISAIAH 54:16 - Lai (Hakha) Common Language Bible 2006

¹⁶ “Soser kha ka ser hna, annih nih so kha an ser i hriamnam kha an chuah. Cun ralkap zong kha ka ser hna i annih nih hriamnam kha mi thahnak ah an hman.

ISAIAH 54:16 Խաչաձեւ Հղումներ

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

ISAIAH 46:11

Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

ISAIAH 10:15

Sihmanhsehlaw Bawipa nih, “Hrei-tlung nih a hmangtu nakin ka ngan deuh a ti kho maw? Hluah cu a hmangtu nakin a biapi deuh maw? Thingtan nih mi cu a phorh ṭung hna lo, mi nih pei thingtan cu an phorh cu,” tiah a ti.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

1 SAMUEL 13:19

Israel mi ram chung dihlak ah soser pakhat hmanh an rak um lo, zeitintiah Filistin mi nih, “Hebru mi nih fei le nam an i ser sual ai hnga,” tiah an ti;

ISAIAH 54:15

Ahohmanh nih an in tuk ahcun, keimah hnatlaknak tel loin a si; ahohmanh nih an in doh ahcun, an sung lai.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

ZEKHARIAH 1:20

Cun Bawipa nih soser pali a ka hmuhsak.

ZEKHARIAH 2:1

Cunglei ka hun zoh i mipa pakhat tahnak hri aa putmi kha ka hmuh.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.