ISAIAH 54:15 - Lai (Hakha) Common Language Bible 2006

¹⁵ Ahohmanh nih an in tuk ahcun, keimah hnatlaknak tel loin a si; ahohmanh nih an in doh ahcun, an sung lai.

ISAIAH 54:15 Խաչաձեւ Հղումներ

ZEKHARIAH 12:9

Khi ni ah cun Jerusalem doh awk i a rami miphun vialte hna hrawh awkah khan kaa thawh lai;

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

ZEKHARIAH 12:3

Vawlei cung miphun vialte nih Jerusalem le Judah kha an kulh hna tikah, cu ni ah cun Jerusalem cu aho ca hmanh i ṭhial awkah a rit tukmi lungtum ah ka ser lai i cawi aa zuammi paoh cu anmah tu kha an i hliam lai.

SALM 56:6

Mi hmuh lonak hmun ah khan an i thup i ka tuahmi paohpaoh kha an ka ngiat dih, zeitindah kan thah khawh lai ti kha an i ruahchih.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 54:16

“Soser kha ka ser hna, annih nih so kha an ser i hriamnam kha an chuah. Cun ralkap zong kha ka ser hna i annih nih hriamnam kha mi thahnak ah an hman.