ISAIAH 52:3 - Lai (Hakha) Common Language Bible 2006

³ Bawipa nih a mi cu a thawh hna i, “Man loin sal ah zuar nan si. Cu bantuk ve in man loin tlanh nan si lai.

ISAIAH 52:3 Խաչաձեւ Հղումներ

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

SALM 44:12

Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

JEREMIAH 15:13

Bawipa nih a ka thawh i, “Ka mi hna nih ram chung a dihlak ah hin sualnak an tuah caah hi sualnak ruangah hin dan ka tat hna lai, an chawva le an rothil vialte kalpi awkah ral kha ka rak thlahhnawh hna lai.

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

ISAIAH 63:4

Zeicahtiah phuhlam ni cu ka lung chungah a um cang i tlanhnak ka tuah lai, ka timi kum cu a phan cang.

EZEKIEL 16:31

Lam ṭeka kip ah khan na zaunak kha na ser hna i hmun lawng kip ah khan na ṭhutdan kha na ser hna, sihmanhsehlaw hlawhhlangnu sawhsawh bantuk si loin nang nih cun a man lak na duh lo.

EZEKIEL 34:27

Ram chung thing nih khan thei an tlai lai, vawlei nih khan rawl a chuah lai i mi cu anmah le an vawlei cio ah lungdai tein khua an sa lai. An hreng kha ka khiah hna i sal i a zuartu hna kut chung khan ka chuah hna tikah Bawipa ka si kha an ka hngalh lai.

LEVITIKAS 25:54

Cun mah tining hin tlanh a si khawh lo ahcun jubili kum ah amah he a fale he luatter an si lai.

SALM 44:13

Kan cung i na tuahmi kha kan innpa nih an hmuh i an kan nihsawh i capo ah an kan saih.