ISAIAH 52:12 - Lai (Hakha) Common Language Bible 2006

¹² Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

ISAIAH 52:12 Խաչաձեւ Հղումներ

ISAIAH 58:8

“Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

ISAIAH 45:2

“Keimah hrimhrim nih na lam kha kan sialpiak lai i fing le tlang kha ka rawnhter hna lai. Dar in an sermi kutka kha ka baoh hna lai i thir fung kha ka tan hna lai.

MIKAH 2:13

Pathian nih lam kha a hunpiak hna lai i a hruai hna lai. Khua kulhnak kutka khan an chuak lai i luat tein an kal lai. An siangpahrang, Bawipa hrimhrim nih cun a hruai hna lai.

1 CHANRELNAK 14:15

Cun balsam thing par hna i kal thawng na theih tikah, khi tikah raldohnak hmun ah cun va chuak tuah; Pathian cu na hmaiah, Filistin mi ralkapbu tuk awkah a kal cang,” tiah a ti.

NAMBAR 10:25

Cun Dan mi hna riahhmun hmelchunhnak cu an bubu in aa thawh, riahhmun vialte hnulei ralvengtu a si; an bu cung i a ummi cu Ammishaddai fapa Ahiezer kha a si.

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

BIACEIHTU 4:14

Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.

EXODUS 12:39

Izipt ram in an i chuahpimi thilnu telh lo changnawn kha changreu ah an ser. Izipt ram in khulrang tuk in an ṭhawl hna caah khan thilnu cu an phulh lo. Rawl i timhlamhnak caan zeihmanh an ngei lo.

EXODUS 12:33

Izipt mi nih khan, khulrang in chuak ko u, nan chuah lo ahcun kan thi dih ko lai, tiah heh tiah an nawl hna.

ISAIAH 51:14

Thong i a tlami kha tuan ah chuah an si lai; saupi an nung lai i an herhmi rawl kha an hmuh dih lai.

EXODUS 14:8

Bawipa nih Faro cu a lung kha a ṭhawnter i Bawipa zohkhenhnak thawngin a chuakmi Israel mi kha a dawi hna.

ISAIAH 28:16

Sihmanhsehlaw Bawipa Pathian nih a chimmi cu hihi a si: “Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, ‘Zumhnak fek cu a lung zong a sau,’ tiah ṭial a si lai.

DEUTERONOMI 16:3

Thilnu cawhmi changreu nan ei chih lai lo; thilnu cawh lo changreu, temhinnak changreu he cun ni sarih chung nan ei lai. Izipt ram chungin nan chuah ni kha nan nunchung vialte nan hngalh camcin nakhnga — Izipt ram chung i namhnaw ngaiin nan rak zam kha.

JOSHUA 6:9

Cun muko a tumtu tlangbawi hna hmaiah cun ralthuam in aa thuammi kha an kal i muko an tumpah lengmang lioah cun, hnulei ralveng hna nih cun kuang kha an hun zulh.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 49:11

“Tlang lakah cun lam nganpi pakhat ka ser lai i ka mi hna kalnak ding caah cun lam pakhat ka sial lai.

ISAIAH 57:18

“An umtuning kha ka hmuh cang; sihmanhsehlaw ka damter hna lai. Ka hruai hna lai i ka bawmh hna lai; ngaih a chiami kha ka hnemh hna lai.

JOSHUA 4:11

cun mi vialte nih cun an tan dih tikah Bawipa biakamnak kuang le tlangbawi hna cu zapi hmaiah cun an kal.