ISAIAH 51:6 - Lai (Hakha) Common Language Bible 2006

⁶ Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

ISAIAH 51:6 Խաչաձեւ Հղումներ

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

ISAIAH 34:4

Ni le thlapa le arfi cu an kuai lai i leidip ah an cang lai. Van cu cazual bantukin aa zual lai i arfi cu mitsur ruang hnah ṭilh bantuk le theipi kung hnah tlak bantukin an ṭil lai.

ISAIAH 51:8

Cu bantuk mi cu rungrul eimi puan bantukin an lo lai! Sihmanhsehlaw ka rak putmi luatnak cu zungzal in a hmun lai, ka teinak cu zungzal in a hmun lai.

ISAIAH 13:13

Ralkapbu Bawipa keimah nih ka thinhunnak ka chuah ni ah cun, van khi an ther dih lai i vawlei hi a umnak hmun in a choi lai.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

ISAIAH 50:9

A ka ṭanhtu cu Bawipa Pathian hrimhrim kha a si, cucaah aho nih dah sual an ka phawt khawh lai? Taza a ka cuaitu vialte kha an lo lai, rungrul nih a eimi puan bantukin an lo lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

HEBRU 5:9

A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

SALM 111:3

A tuahmi thil cu upatnak le lianhngannak in a khat; a dinnak cu zungzal in a hmun.

ISAIAH 54:9

“Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti.